رەسەيدىڭ كراسنودار ولكەسىندە توتەنشە جاعداي ەنگىزىلدى

ماسكەۋ. قازاقپارات - رەسەيدىڭ كراسنودار ولكەسىنىڭ تۋاپسينس اۋدانىنا جاۋىن-شاشىننىڭ شامادان تىس كوپ جاۋۋىنا بايلانىستى توتەنشە جاعداي ەنگىزىلدى، دەپ حابارلايدى ت ا س س.

«سوڭعى 1,5 تاۋلىكتىڭ ىشىندە قاتتى نوسەر بولدى. تۋاپسينس اۋدانىندا ەكى ايلىق نورمادان اساتىن جاۋىن جاۋعان»، - دەدى گيدرومەتەورولوگيا جانە قورشاعان ورتانى مونيتورينگىلەۋ بويىنشا كراسنودار ورتالىعى باستىعىنىڭ ورىنباسارى ۆالەنتينا بەلان.

سوڭعى مالىمەتتەرگە قاراعاندا، قىزىل سۋ 30 ەلدى مەكەندى الىپ كەتتى. كەيبىر جەرلەردە ەلەكتر سىمدارى زاقىمدانىپ، تەمىر جانە اۆتو جولدار بۇزىلعان. وسىعان بايلانىستى اۋداندا توتەنشە جاعداي ەنگىزىلىپ، جەدەل شتاب قۇرىلدى.