ءاجىم كەتىرەتىن سەگىز ءتۇرلى ءنار

 استانا. قازاقپارات - بەتكە ءاجىمدى تۇسىرمەۋ كەز كەلگەن نازىكجاندىنىڭ باستى ارمانىنىڭ ءبىرى دەۋگە بولادى. ال تۇسكەن جاعدايدا تومەندەگى ادىستەرگە جۇگىنۋ كەرەك.

1. قىزاناق (پوميدور). قۇرامىندا دارۋمەن مول بولادى، ونىڭ ىشىندە س دارۋمەنىنىڭ قۇرامى كوكونىس ءتۇرى بويىنشا الدىڭعى ورىندا، ول تەرىنى ۇتىمدى تۇردە قورعاي الادى؛ ونداعى مول ا دارۋمەنى تەرىنىڭ سەرپىندىلىگىن ساقتاپ، تەرى كلەتكالارىنىڭ سەمىپ مۇيىزگەكتەنۋىنىڭ الدىن الادى. قىزاناقتى ۇساقتاپ تۋراپ، جانشىپ شىرىنىن شىعارىپ الىپ، وعان ازىراق بال ارالاستىرىپ بەتكە جاقسا ءاجىمدى ءتىپتى جاقسى كەتىرەدى.

2. ماندارين. ماندارين قۇرامىنداعى ۆ دارۋمەنىنىڭ تەرىنى جيۋ جانە جۇمسارتۋ ءرولى بولادى. ءمانداريندى قابىعىمەن جانشىپ، سپيرتكە شىلاپ، ۇيلەسىمدى مولشەردە بال قوسىپ، ءبىر اپتا قويىپ، بەتكە جاقسا، تەرىنى جۇمسارتۋعا جانە ءاجىمدى كەتىرۋگە ءونىمى بولادى.

3. بانان. باناندى ەزىپ، وعان جارتى قاسىق ءزايتۇن مايىن قوسىپ، بىركەلكى ارالاستىرىپ، بەتكە جاقسا ءاجىمدى كەتىرەدى.

4. تالشىن. تالشىن جەمىسىنىڭ ءدانىن ۇنتاقتاپ الىپ، بالعا ارالاستىرىپ، باتكە جاقسا تەرىنى ۇلبىرەتىپ، بەتتى جىلتىراتادى.

5. سيىر ءسۇتى. بەت جۋعان سوڭ سيىر ءسۇتىن جاعىپ، يەكتەن ورلەي ماسساج شوتكىمەن اينالدىرىپ ماسساج جاساپ، سيىر ءسۇتىن تەرىگە تولىق سىڭىرسەڭىز، بەتتىڭ قان اينالىسىن تەزدەتىپ، تەرىنىڭ قورەكتەنۋىن جاقسارتىپ، وتتەگىمەن قامداۋ مولشەرىن جوعارىلاتادى. سونىمەن تەرى اۋەلگىدەي سەرپىمدى قالىپقا كەلەدى، ءجۇزىڭىز نۇرلانىپ، ءاجىمىڭىز ازايادى.

6. جۇمىرتقانىڭ اعى. ازىراق جۇمىرتقا اعىنا جاڭا ساۋىلعان ءسۇت، بال جانە ۇن قوسىپ ارالاستىرىپ، قويمالجىڭ بوتقا جاساپ، بەتكە تەگىس جاعادى. 15 مينۋت وتكەن سوڭ جۋىپ تاستاسا، تەرىنى جۇمسارتادى، جيادى، ءاجىمىن كەتىرەدى.

7. ءبورتتىرىلىپ پىسىرىلگەن اق كۇرىش. ءبورتتىرىلىپ پىسكەن اق كۇرىشتى ىستىقتاي سىقپالاپ الىپ، ونىمەن بەتتى كۇرىش مايلانىپ، قارايعانشا ىسقىلاسا، تەرى كوزدەرىندەگى ماي مەن كىردى تارتىپ الادى، ارتىنان تازا سۋمەن جۋىپ تاستاسا تەرى كوزى اشىلىپ، جاقسى تىنىستاپ، ءاجىم ازايادى.

8. بالىقتار. اسىرەسە تەرەڭ تەڭىزدەگى بالىقتار، ايتالىق، ءۇشجولاق سياقتىلار. ۇنەمى جەپ تۇرسا، ءاجىمدى كەتىرىپ، شىرايدى اجارلاندىرادى، قان قىسىمىن تومەندەتەدى، جۇرەكتى، بۋىندى جانە ۇيقى بەزىن قورعايدى، قانداعى قانت قۇرامىن تۇراقتاندىرىپ، كوڭىل- كۇيدى سەرپىلتەدى، زەيىن- زەردەنى ارتتىرىپ، عۇمىردى ۇزارتادى

 

 دەرەككوزى: "پ ت" توپتاماسىنان