ايەلدەرىن ورامال استىنا جاسىرعان وتاندىق جۇلدىزدار كىمدەر؟

 استانا. قازاقپارات - ەلىمىزدەگى وتاندىق جۇلدىزداردىڭ كوبىسى ايەلدەرىن حالىق الدىنا شىعارعىسى كەلمەيدى.

ال كەي انشىلەر جۇبايلارىن ورامال استىنا جاسىرعان. شوۋ-بيزنەس وكىلدەرىنىڭ ورامالدى كەلىنشەكتەرى جايلى NUR. KZ جازادى.

بۇل تىزىمدە «مەلومەن» توبىنىڭ انشىلەرى مەن «Mysterions» توبىنىڭ ەكى مۇشەسى، «ونەر قىراندارى» توبىنىڭ ازىلكەشتەرى، تالعات جورابايەۆ، نۇرجان كەرمەنبايەۆ، اباي بەگەي بار.

نۇرجان كەرمەنبايەۆ جارى نازەركەمەن تانىستىعىنا تارازداعى كونسەرت سەبەپ بولعان. حيدجابتاعى ارۋ مەن ءانشىنىڭ بۇگىندە ەكى ۇلى بار.

بيىلعى جىلى ەكىنشى رەت شاڭىراق كوتەرگەن اباي بەگەيدىڭ دە تاڭداۋى ءدىن جولىنداعى ارۋعا تۇسكەن. ءانشىنىڭ جارى وزىنەن 16 جاس كىشى.

ايتا كەتەيىك، ءانشىنىڭ تۇڭعىشى اكەسىنىڭ ەكىنشى رەت ۇيلەنگەنىنە رەنجىپ، سويلەسپەي قويعان. ءتىپتى جاڭا تۋعان جيەن نەمەرەسىن دە اتاسىنا كورسەتپەگەن.

التىناي جورابايەۆانىڭ ءىنىسى تالعات جورابايەۆ تا حيدجابتاعى ارۋمەن شاڭىراق كوتەرگەن. ولاردىڭ تانىستىعىنا الەۋمەتتىك جەلىدەگى ءدىن ماسەلەسى سەبەپ بولىپتى. ءبىر جىلدان اسا ۋاقىت تەلەفونمەن سويلەسكەن جاستار، ءۇشىنشى كەزدەسۋدە وتباسىن قۇرعان.

تانىمال ازىلكەش ماديار سەرىكبايەۆ ءوزىنىڭ جارى دانا تۇراربەكپەن ستۋدەنت كەزىندە تانىسقان. بۇگىندە ولار «ونەر قىراندارى» ءازىل-ىسقاق تەاترىندا بىرگە جۇمىس ىستەيدى. جۇبايلاردىڭ وتاۋ قۇرعانىنا ون جىلدان اسقان.

«Mysterions» توبىنىڭ انشىلەرى ديلەن مەن ءىلياس حاروۆ تا كەلىنشەكتەرىنە حيدجاب كيگىزگەن.

جاقىندا اشا ماتاي ءتىپتى ارمان قوڭىردىڭ دوستارىنىڭ ايەلدەرىمەن سويلەسپەيتىنىن ءمالىم ەتكەن.

«مەلومەن» توبىنىڭ ءۇش ءانشىسى دە ورامالدى ارۋدى ومىرلىك سەرىگى ەتكەن.

كۇنى كەشە اناسىنىڭ 60 جاسىن دۇركىرەتىپ جاساپ بەرگەن رولان قازرەتوۆتىڭ كوپشىلىك كوزىنە تۇسە بەرمەيتىن كەلىنشەگىن جەلىگە ماقپال ءجۇنىسوۆا سالىپ قويدى.

اتالمىش توپتاعى قايرات مىرزاحانوۆ تا جۇبايىن كوپشىلىكتىڭ كوزىنەن تاسادا ۇستايدى. الايدا ونىڭ تۋعان كۇنىندە ايەلىنىڭ سۋرەتىن سالىپ، ءۇش بالاسى بارىن ءمالىم ەتتى.

عابيت بيباس ۇلى ەكى ارىپتەسىنە قاراعاندا سۇيگەن جارىنىڭ سۋرەتىن ءجيى جۇكتەيدى. بۇل ءانشىنىڭ دە جۇبايى ورامالدى ارۋلار قاتارىندا.