كلينتوننىڭ ءۇيى مەن وبامانىڭ كەڭسەسىنە بەلگىسىز بىرەۋلەر بومبا جولداعان

استانا. قازاقپارات - نيۋ- يوركتەگى بيلل كلينتون مەن حيللاري كلينتوننىڭ ۇيىنە بەلگىسىز بىرەۋلەر جارىلعىش زات جولداعان. ونى پوشتانى قارايتىن جۇمىسشى تاپقان دەپ حابارلايدى New York Times باسىلىمى.

بومبا سالىنعان قوراپ ا ق ش- تىڭ بۇرىنعى پرەزيدەنتتەرى بيلل كلينتوننىڭ ۇيىنە جانە باراك وبامانىڭ كەڭسەسىنە، CNN تەلەارناسىنا جانە ميللياردەر دجوردج سوروسقا جىبەرىلگەن. تەرگەۋشىلەر جىبەرۋشى ءبىر ادام بولۋى مۇمكىن دەپ توپشىلايدى. ءدال وسىنداي قوراپ بۇرىنعى باس پروكۋرور ەريك حولدەرگە، كونگرەسسمەن دەببي ۆاسسەرمان شۋلتستىڭ فلوريداداعى كەڭسەسىنە جولدانعان. بۇل جونىندە نيۋ- يورك پوليتسياسى حابارلادى. پوليتسيانىڭ مالىمەتىنشە، قوراپتاردىڭ ىشىندە قولدان جاسالعان جارىلعىش زات بولعان.

بۇل وقيعالارعا قاتىستى ا ق ش پرەزيدەنتى دونالد ترامپ ەلدە ساياسي زورلىق- زومبىلىق جوق دەپ مالىمدەدى. دونالد ترامپ ەلدە ءىرى فەدەرالدىق تەرگەۋ جۇمىستارى باستالعانىن حابارلادى.

نيۋ- يورك مەرى بيلل دە بلازيو وقيعالاردى تەراكت دەپ اتادى.

www.azattyq.org