دۇنيە كەزەك دەگەن وسى

 استانا. قازاقپارات - ەشكىمى جوق كەمپىر جالعىز سيىرىن ساۋىپ، سۇتىنەن ماي جاساپ، ونى كورشى دۇكەنگە وتكىزىپ كۇنەلتەدى ەكەن.

دۇكەنشى كەمپىردىڭ ادالدىعىنا كامىل سەنگەندىكتەن ودان العان سارى مايدى تارازىعا تارتپاستان قابىلداپ الا بەرەتىن. الايدا ءبىر كۇنى ويىنا كۇمان ۇيالاپ كەمپىردىڭ وتكىزگەن مايىن تارازىعا تارتۋدى ۇيعارادى. 1 ك گ. دەپ الىپ جۇرگەن سارى مايدىڭ 900 گرام بولىپ شىققانىندا قاتتى اشۋلانادى.

كەمپىردىڭ كەلەسى كەلگەنىندە دۇكەنشى: «بۇدان بىلاي سىزدەن سارى ماي المايمىن» دەپ جازعىرا سويلەپ، اشۋلى ەكەنىن بىلدىرەدى. كوڭىلى قۇلازىعان كەمپىر «تىنىشتىق پا بالام، كارىلىكپەن الىسىپ ءجۇرىپ بايقاماي بىردەڭەنى بۇلدىرگەن شىعارمىن، اعاتتىق جىبەرگەن بولسام كەشىرە عوي» دەيدى.

دۇكەنشى «ماعان وتكىزگەن مايىڭىز 1 كەلى ەمەس 900 گرام بولىپ شىقتى. ۇيات ەمەس پە مۇنىڭىز؟» دەيدى. سوندا كەمپىر: «مەندە 1 كەلىلىك تاس جوق بولعاندىقتان، سوڭعى كەزدە سىزدەن ساتىپ العان 1 كەلى شەكەردى تارازىعا قولدانىپ ءجۇر ەدىم اينالايىن» دەيدى. الگى جەردە دۇكەنشىنىڭ قىزارعانى سونشالىق، كىرەرگە تەسىك تاپپاي قالادى.

مىنە دۇنيە كەزەك دەگەنىمىز وسى. نە ەكسەڭ سونى وراسىڭ. ادامدارعا ىستەگەنىڭ مىندەتتى تۇردە الدىڭنان شىعادى. ءاردايىم جاساعان يگى ءىسىمىز جانە كورەتىن ىزگىلىگىمىز كوپ بولعاي!