الەمدە ۋرانعا دەگەن سۇرانىس ارتادى - عالىمجان ءپىرماتوۆ

 استانا. قازاقپارات - الەمدە ۋرانعا دەگەن سۇرانىس ارتادى. بۇل تۋرالى استانادا وتكەن باسپا ءسوز ءماسليحاتىندا «قازاتومونەركاسىپ» ۇلتتىق اتوم كومپانياسى» ا ق باسقارما ءتوراعاسى عالىمجان ءپىرماتوۆ ءمالىم ەتتى، دەپ حابارلايدى قازاقپارات.

«الداعى ۋاقىتتا ۋرانعا دەگەن سۇرانىس ارتادى. بۇل تۇرعىدا كوپتەگەن ەلدەر اتوم ەنەرگەتيكاسىن دامىتۋدى جالعاستىرۋدا. 2017 -جىلمەن سالىستىرعاندا، 2030 -جىلعا قاراي الەمدىك اتوم ەنەرگەتيكاسىنداعى قۋاتتىڭ دەگەيى 11 پايىزعا وسەتىنى ايتىلۋدا» ، - دەدى ع. ءپىرمانوۆ.

ونىڭ سوزىنە قاراعاندا، بيىلعى تامىزداعى جاعداي بويىنشا الەمدە 443 يادرولىق رەاكتور بار. سونىمەن قاتار، 17 ەلدە 56 جاڭا رەاكتوردىڭ قۇرىلىسى ءجۇرىپ جاتىر.

عالىمجان ءپىرماتوۆتىڭ اتاپ وتۋىنشە، ۋراندى ءوندىرۋ نارىعىندا ەلەۋلى قۇرىلىمدىق وزگەرىستەر بولىپ جاتىر. جالپى، ۋران سالاسىنا ينۆەستيتسيا سالۋ - ۇزاقمەرزىمدى پەرسپەكتيۆادا وتە تارتىمدى بولادى.