عالىمدار: شىلىم شەگەتىن اكەلەر ءوز ۇرپاعىنىڭ اقىل-پاراساتىن تومەندەتە تۇسەدى

​استانا. قازاقپارات - اناسىنىڭ شىلىم شەگۋى بالانىڭ اقىل-پاراساتىنا اسەر ەتەتىندىگى بۇرىننان دالەلدەنگەن.

الايدا اكەنىڭ بۇل ناشار قاسيەتى بالاعا قالاي اسەر ەتەدى، بۇل زەرتتەلمەگەن بولاتىن. فلوريدا ۋنيۆەرسيتەتىنىڭ ماماندارى بۇل زەرتتەۋدىڭ ورنىن تولىقتىرۋعا تىرىستى.

تاجىريبە تىشقاندارعا جۇگىزىلدى. ولاردىڭ ءبىر توبى ءۇش اي بويى تازا سۋ ىشسە، ال ەكىنشىسى قۇرامىندا نيكوتينى بار سۋ ءىشتى. ەكى توپتىڭ اتالىقتارى مەن انالىقتارى قوسىلدى. ناتيجەسىندە ولاردىڭ ۇرپاقتارىنىڭ دامۋ دەڭگەيىندە اقاۋلىق كورىنە باستادى (ماسەلەن ولار وزگە تىشقاندارعا قاراعاندا لابيرينتتەن شىعاتىن جولدى ەستە ساقتاي المادى)، قوزعىشتىعى جوعارى بولدى. سەبەبى نيكوتين تىشقان د ن ق- سىن وزگەرتتى.

بەلگىلى بولعانداي، د ن ق ۇرپاقتار اراسىنداعى اقپاراتتى جالعاستىىپ وتىراتىندىعىن گەنەتيكتەر الدەقاشان دالەلدەگەن بولاتىن. ال ادامداردىڭ د ن ق- سى ولاردى ءسۇزىپ، وقىلۋىنا مۇمكىندىك بەرەتىن ارنايى اقۋىز-گيستونداردا بولادى. نيكوتين ءدال وسى اقۋىزداردىڭ قۇرىلىمىن وزگەرتەدى ەكەن. انالارىندا سەكىلدى، اكەلەرىندە دە قايتىمسىز وزگەرىستەر ورىن الادى.

 

دەرەككوزى: ​orthodox.od.ua