قالانى دۇرىس جوسپارلاۋ ءولىم- ءجىتىمدى ازايتادى - جۋجاننا ياكوب
ولار قالادا ءوتىپ جاتقان «سالاۋاتتى قالالار» ەۋروپالىق جەلىسى مەرلەرىنىڭ ءسامميتى اياسىندا ءوزارا ىنتىماقتاستىقتىڭ پەرسپەكتيۆالارىن تالقىلادى.
اڭگىمە بارىسىندا جۋجاننا ياكوب د د ۇ - نىڭ الماتىمەن، جالپى قازاقستانمەن ىنتىماقتاستىعى دەڭگەيىن جوعارى باعالادى. سونداي- اق، سالاۋاتتى ءومىردى قالىپتاستىرۋ مەن دەنساۋلىق ساقتاۋ سالاسىن مودەرنيزاتسيالاۋدىڭ وڭ ناتيجەلەرىن اتاپ ءوتتى.
«جايلى قالا كەڭىستىگىن ارتتىرۋ، قوعامدىق كولىكتى دامىتۋ، ۆەلوسيپەدشىلەر جانە سپورتشىلار ءۇشىن قولايلى ينفراقۇرىلىمدى قالىپتاستىرۋ قالا تۇرعىندارىنىڭ دەنساۋلىعىن جاقسارتادى. جۇرگىزىلگەن زەرتتەۋلەر كورسەتكەندەي، قالانى دۇرىس جوسپارلاۋ ونكولوگيالىق جانە جۇرەك- قان تامىر اۋرۋلارى سالدارىنان بولاتىن ءولىم دەڭگەيىن ورتا ەسەپپەن %25 عا قىسقارتادى ەكەن. الماتىنىڭ تاجىريبەسى تەك قازاقستان عانا ەمەس، ەۋروپا ءوڭىرىنىڭ ءبىرقاتار قالالارىنا دا پايدالى» ، - دەپ اتاپ ءوتتى د د س ۇ ەۋروپا بيۋروسىنىڭ ديرەكتورى
ول وسىدان 40 جىل بۇرىن قابىلدانعان الماتى دەكلاراتسياسىنىڭ باستاپقى مەديتسينالىق- سانيتارلىق كومەك كورسەتۋدە قازىردىڭ وزىندە وزەكتى قۇجات ەكەنىن ءارى حالىقارالىق دەڭگەيدە ماڭىزدى ءرول اتقاراتىنىن ايتتى. د د س ۇ قالامەن ىنتىماقتاستىقتى كەڭىنەن دامىتۋدى جوسپارلاپ وتىر جانە قالا تۇرعىندارىنىڭ سالاۋاتتىلىعىن جاقسارتۋداعى جۇمىستى ودان ءارى جالعاستىرماق.
«مەملەكەت باسشىسىنىڭ جولداۋىندا ەلىمىزدىڭ ودان ءارى دامۋىنا ىقپال ەتەتىن قالالاردى تۇراقتى ورىستەتۋگە ەرەكشە ءمان بەرىلگەن. جايلى جانە ەكولوگيالىق قالا كەڭىستىگىن، ۇ ق ى ۇ ەلدەرىندەگىدەي ساپالى ءبىلىم مەن دەنساۋلىق ساقتاۋ قىزمەتىن قالىپتاستىرۋ - ءبىزدىڭ باستى باعىتتارىمىزدىڭ ءبىرى. وسى ورايدا ساپالى، جوعارى دامىعان مەديتسينالىق قىزمەت كورسەتۋدەگى وزگە قالالاردىڭ وزىق تاجىريبەسى بىزگە وتە قىزىق» ، - دەپ اتاپ ءوتتى ءوز كەزەگىندە باۋىرجان بايبەك.
سامميت بارىسىندا الماتى اكىمى ءبىرقاتار ەكىجاقتى كەزدەسۋلەر وتكىزدى، ونىڭ ىشىندە ر ف ۆولوگود وبلىسىنىڭ گۋبەرناتورى ولەگ كۋۆشيننيكوۆپەن، فرانسۋزدىڭ رەنن، نيدەرلاندتىق ۋترەحت قالالارىنىڭ باسشىلارىمەن جۇزدەستى.