تانىمال رەپەر ءوز بەينەبايانىن ءتۇسىرۋ كەزىندە ۇشاقتان قۇلاپ كوز جۇمدى
ول وكاناگانا كولىنىڭ ۇستىنەن ۇشاق قاناتىندا ەرەكشە شەبەرلىك ءادىس كورسەتپەك بولعان دەپ حابارلايدى Life.ru سايتىنا سىلتەمە جاساعان NUR. KZ.
رەپەر دجون دجەيمس ماكميۋررەيدىڭ ءومىرىن قيعان بەينەبايان جەلىسى بويىنشا ول Cessna اۋە اپپاراتىمەن ۇشۋ بارىسىندا ونىڭ قاناتىندا تۇرۋى كەرەك بولىپتى.
الايدا قاۋىپتى تريۋك بارىسىندا ول كەنەتتەن قولىن بوساتىپ قالعان.
«دجون قاناتتان ۇستاپ تۇردى دا، ونى جىبەرگەن كەزدە پاراشيۋتىن اشىپ ۇلگەرە الماي قالدى»، - دەيدى ءانشىنىڭ مەنەدجەرى.
العان اۋىر جاراقاتتارىنىڭ سالدارىنان رەپەر وقيعا ورنىندا مەرت بولعان. ول اتالمىش ءادىستى ورىنداۋعا بىرنەشە اي بويى دايىندالىپتى.
ايتا كەتەيىك، ماكميۋررەي بۇرىنىراق تاۋ-شاڭعى سپورتىمەن كاسىبي تۇردە اينالىسىپ، جاراقات الۋىنىڭ سەبەبىنەن باعىتىن ءان الەمىنە اۋىستىرعان بولاتىن. ول ءوز بەينەباياندارىندا ۇنەمى قاۋىپتى تريۋكتەر كورسەتكەندى ۇناتاتىن.