شوپاندار قالانىڭ قاق ورتاسىنا قويلارىن جايدى

استانا. قازاقپارات - يسپان قويشىلارى مادريدتىڭ قاق ورتاسىندا ءداستۇرلى تۇردە جىل سايىن وتكىزىلىپ وتىراتىن قويلار شەرۋىن ۇيىمداستىردى.

 وسىلايشا مالشىلار كولىك جۇرگىزۋشىلەرىنە قيىنشىلىق تۋدىرىپ ىزاسىنا كەلسە، جاياۋ جۇرگىنشىلەردىڭ كوڭىلدەرىن ءبىر سەرپىلتىپ تاستادى. التى عاسىر بۇرىن پايدا بولعان ەجەلگى ءداستۇرلى مەيرام يسپانيادا 1994 -جىلدان بەرى ءوتىپ كەلەدى.

 ميريام، مادريد تۇرعىنى:

- كوشەدە قوي ءجۇر دەپ ەستىگەندە وتباسىمىزبەن بىرگە كەلىپ كورەيىك دەپ شەشتىك. اسىرەسە بالالار ءۇشىن وتە قىزىقتى، ەرەكشە كورىنىس بولدى.

 XV عاسىردا يسپانيادا مالشىلار وتارىن قىسقى جايىلىمعا شىعارۋ ءۇشىن جەرگىلىكتى بيلىككە ءاربىر مىڭ قويعا 50 مارا- ۆەدي تولەۋى ءتيىس ەدى. ەجەلگى ءداستۇر ءالى كۇنگە دەيىن جالعاسىن تاپقان. وسى جولى دا ورتالىق كوشە جولدارىمەن ءجۇرىپ وتكەن ءاربىر مىڭ قويعا فەرمەرلەر 50 ماراۆەديگە تەپە- تەڭ بولاتىن قاراجات تولەنەدى.

www.24.kz