دانيار ەلەۋسىنوۆ امەريكالىق قارسىلاسىن نوكاۋتپەن جەڭدى

استانا. قازاقپارات - ا ق ش- تا قازاقستاندىق جارتىلاي ورتا سالماقتاعى بوكسشى دانيار ەلەۋسىنوۆ (3-0, 1 ك و) كاسىبي رينگتەگى ءتورتىنشى كەزدەسۋىن وتكىزدى، دەپ جازادى Sports.kz.

27 جاستاعى قازاقستاندىق بوستون قالاسىنداعى TD Garden ارەناسىندا وتكەن بوكس كەشى اياسىندا امەريكالىق مەتت دوەرتيگە (8-5-1, 4 ك و) قارسى بوكستاستى. بۇل جەكپە-جەك ءبىرىنشى راۋندتا تەحنيكالىق نوكاۋتپەن ەلەۋسىنوۆتىڭ جەڭىسىمەن اياقتالدى.

ءسويتىپ دانيار ءوزىنىڭ كاسىبي بوكستاعى ءتورتىنشى جەڭىسىنە قول جەتكىزدى.

ايتا كەتەيىك، 27 جاستاعى ەلەۋسىنوۆتىڭ مۇددەسىن قورعايتىن Matchroom Boxing پروموۋتەرلىك كومپانياسى ونىڭ كاسىبي بوكستاعى بەسىنشى جەكپە-جەگىنىڭ قاشان جانە قايدا وتەتىنىن دە جاريالاعان بولاتىن.

ونىڭ قارسىلاسى ازىرگە بەلگىسىز. دانيار ەلەۋسىنوۆ بيىلعى 4- تامىزدا وتكەن جەكپە-جەكتە ۆەنگريالىق گابور گوربيچتى (26-13, 16 ك و) ۇپاي سانىمەن جەڭگەن بولاتىن.

بۇدان كەيىن قازاقستاندىق بوكسشىنىڭ BoxRec.com تانىمال سايتىنداعى رەيتينگى بىردەن 75 ساتىعا جوعارىلادى.