پوليتسەيلەر ينتەرنەت الاياقتىڭ جولىن كەستى
ءى ءى د مالىمەتى بويىنشا، شارا بارىسىندا 20 قىلمىستىق قۇقىق بۇزۋشىلىق انىقتالىپ جانە اشىلعان.
«ءىس- شارا بارىسىندا پوليسەيلەر 25 جاستاعى ەش جەردە جۇمىس ىستەمەيتىن قاراعاندىلىق كەلىنشەكتى ۇستاعان. ايەل الاياقتىقتى ينتەرنەتتە جۇزەگە اسىرعان. نەگىزىنەن ول Instagram الەۋمەتتىك جەلىسىندە قىمبات توندار مەن اشەكەي بۇيىمدارىن ارزان باعادا ۇسىنىپ كەلگەن. ال كليەنتتەرىمەن تەك WhatsApp جەلىسى ارقىلى عانا تىلدەسكەن، سەبەبى داۋىسىنان تانىپ قويماسىن دەپ ساقتانعان. ول وزگەلەردىڭ بانكتەگى شوتتارىن قولدانىپ كەلگەن، كليەنت اقشاسىن اۋدارىسىمەن نومەردى بۇعاتتاپ، اكاۋنتتى جانە ۇيالى تەلەفون نومەرىن دە ءوشىرىپ تاستاپ وتىرعان. نەگىزىنەن ول كليەنتتەرىنەن اقشانى Qiwi ءاميان ارقىلى العان. وسىلايشا ول قالامىزدىڭ سەگىز تۇرعىنىن سان سوقتىرىپ 1 ميلليون تەڭگە كولەمىندە قارجى العان. قازىرگى ۋاقىتتا ۇستالعان ازاماتشا قاماۋعا الىنىپ، ق ر ق ك 190-بابىنىڭ 2 - ءبولىمى بويىنشا سوتقا دەيىنگى تەرگەۋ جۇرگىزىلۋدە (الاياقتىق) » ، دەلىنگەن حابارلامادا.
استانا قالاسى ءى ءى د قىزمەتكەرلەرى ينتەرنەت ساتىپ الۋشىلارعا تاۋاردى تەك سەنىمدى ساتۋشىلاردان الۋدى جانە تاۋار قولىڭىزعا تيگەن سوڭ عانا تولەم جاساۋعا كەڭەس بەرەدى.
Baq.kz