سەن تۇراتىن قالادا قار جاۋدى ما؟
«دۇنيەدە قار جاۋعان ساتتەگىدەي بەيبىت تە تىنىش ءومىر بار ما ەكەن؟ !» - دەپ جازۋشى ورالحان بوكەي دە «قار قىزى» پوۆەسىندە قار جاۋىپ تۇرعان ءساتتى نازىك جەتكىزەدى. ماسساگەت پورتالى قار تۋرالى ولەڭدەر توپتاماسىن نازارلارىڭىزعا ۇسىنادى.
***
كىسىنەيدى الا جەل.. .
سەن توزاققا بارعىڭ كەلسە، بارا بەر.
مەن جۇماققا قاراپ تۇرمىن كۇلىمدەپ،
ا، ءتاڭىرىم سانا بەر! ءۇپ ەتەدى تاۋسامال،
قانداي راحات، ساعىنباۋ مەن اڭساماۋ!
وتكەن شاقتا قالىپ قويدىڭ ۇلبىرەپ،
قالدى ەندى قانشا امال؟
ءدىر ەتەدى تامشىلار،
مولدىرلىككە قالاي ەندى جان شىدار؟
ساعان ۇقساس مىناۋ سورلى عالامدا،
تاعى بىرەۋ بار شىعار؟
كۇرسىنەدى قارا ءتۇن،
سەزىم قايدا بار مازامدى الاتىن؟
شىم- شىتىرىق جولدار قايدا سول كەزگى،
جۇرەگىڭە باراتىن؟
اۋا جاتىر كوپىرىپ،
اراسىندا اپپاق قار ءجۇر سەكىرىپ.
مەن ءوزىڭدى ۇمىتتىم عوي، ۇمىتتىم،
ۇمىتقام جوق، وتىرىك!
اقبەرەن ەلگەزەك
قىسقى ەلەگيا
سەن تۇراتىن قالادا قار جاۋدى ما،
جاۋعان قارعا جانارىڭ ارباۋلى ما؟
قالاي- قالاي جول ەندى تۇسەر ەكەن،
قاراي- قاراي جانارىم تالدى- اۋ مىنا.
نازىم با ەكەن، بۇل ماۋسىم ناسىر ما ەكەن،
قاي تاراۋدا قانداي سىر جاسىردى ەكەن؟ !
. .. .ەرىنىڭە قونعان قار ەرىدى مە،
ەرىدى مە، جوق الدە ول جاسىڭ با ەكەن؟ ..
مونشاق- مونشاق جاسىڭنان مۇز قالدى ما،
ءمولدىر- ءمولدىر سەزىمنەن سىز قالدى ما؟
قار جاۋدى ما، جاۋدى ما جاۋماعانداي،
جالعىز اياق سول قاردا ءىز قالدى ما؟
سەن تۇراتىن قالاعا قار ءتۇستى مە،
بىلتىرعىدان جاۋعان قار زور ءتۇستى مە؟
ەندى كوكتەم كەلمەستەي.. . .. .كورمەستەي بوپ،
قارمەن بىرگە ىشىڭە زار ءتۇستى مە؟
قالىڭ- قالىڭ قالانى قار باستى ما،
قاپ- قارا اسپان قاباعىن زورعا اشتى ما؟
قار جاۋدى ما، جاۋدى ما جاۋ سەكىلدى،
جاۋعان قارمەن جاس جانىڭ ارباستى ما؟
كىم بىلەدى، سول قالا قارلى ما ەكەن،
قارلى كۇننىڭ سالقىنى شالدى ما ەكەن،
جانارىڭدى تۇمشالاپ الدى ما ەكەن،
جۇرەگىڭدى قۇرساۋلاپ الدى ما ەكەن؟
.. شىلدە - قاڭتار، و، نەگە، قاڭتار - قاڭتار،
ايازدى كۇن اياعىم تارتار- تارتار،
سەن تۇراتىن قالادا، بالكىم، كوكتەم،
مەن تۇراتىن قالادا قار! قار! قار! قار!.. .
ەرلان ءجۇنىس
***
.. .ەندى ساعان كوسەمسىپ، نە دەمەكپىن؟!
قار جاۋىپ تۇر.. . قاراشى، كەرەمەت كۇن.
كوكتەم ەمەس، كەشىككەن تاعدىر شىعار،
قار جاۋىپ تۇر.. . قار ەمەس - كوبەلەك- مۇڭ.
ەركەلەدىڭ، ادەيى، كۇلىمدەدىڭ،
كىشكەنتايىم.. . قايتەيىن، كۇنىم مەنىڭ.
ءبارى جاقسى، تاماشا، دۇرىس ءبارى،
قىزىق ماعان، جىعىلىپ، سۇرىنگەنىم.
سولاي، سولاي.. . .. .جىلاتامىن، جۇرەكتى ۇلىتامىن.
ءوپ- وتىرىك جانىمدى جىلىتامىن.
ەشتەڭە دە بولعان جوق، قار جاۋىپ تۇر.. .
ۇمىتا الام، ۇمىتام، ۇمىتامىن.. .
باۋىرجان قاراعىز ۇلى
***
دالادا قاپالاقتاپ قار جاۋىپ تۇر،
ءوزىنىڭ ءىزىن ءوزى جاسىرىپ.
اينالا ىمىرت قۇشاعىندا مۇلگىگەن.
قۇلايدى كىرشىكسىز ۇشقىندار جەرگە اسىعىپ...
تۇمسا قيالدىڭ تەرەڭىنە سۇڭگىگەن
الدەكىم ەسكى اۋەندى ەسىنە تۇسىرە الماي اۋرە،
الاقانىنا قونعان قار ەريدى باياۋ،
ءوز سالماعىن كوتەرە الماي اداسقان ۇلپاداي زاۋدە،
ۇزىلگەن اۋەزدى ىزدەيدى، كوڭىلى قاياۋ...
اينەك ءىشىن دىمقىل بۋ باسقان،
مۇنار... جەتىم ساۋلە ءدىرىل قاعادى،
ۇمسىنىپ. انا ومىراۋىنان ۋىز سورعان سابيدەي قۇمار،
نەتكەن رياسىز تىرشىلىك!
توقتارالى تاڭجارىق
***
اق ۇلپا قار قىلاۋلاپ،
جاۋادى جاندى باۋراپ.
الاڭسىز اسىر سالىپ،
كەلەدى- اۋ العىم اۋناپ.
اق ۇلپا قار - كوبەلەك،
جاۋعانى ءسان كەرەمەت!
جەر بەتىن جاتىر مىنە،
اق قانات انگە بولەپ.
اق ۇلپا قاردا مەنىڭ - بالالىق بار داۋرەنىم.
قارعا ۇقساپ كەتەر ەدىم،
جەتسە ەگەر ءال- دارمەنىم.
اق ۇلپا قار - قۇسىم ەد،
كەيدە ونىڭ قونعىسى جوق.
مەن ىشتەي تۇسىنەمىن،
قارا جەر - قارعىسى كوپ.
اق ۇلپا قار - عاجايىپ،
امالسىز (قالدى ازايىپ) .
قونادى قارا جەرگە،
قاناتىن زورعا جايىپ.
اق ۇلپا قار!..
قالقامان سارين
Massaget.kz