قازاقستاندا جاڭا يپوتەكا پايدا بولدى

الماتى. قازاقپارات - قازاقستاننىڭ يپوتەكالىق كومپانياسى (ق ي ك) نەسيەلەۋدىڭ جاڭا ءتۇرىن تانىستىردى، دەپ حابارلايدى قازاقپارات ءتىلشىسى.

«وردا» يپوتەكاسىن قازاقستاندىقتار وسى ايدىڭ سوڭىنان باستاپ راسىمدەي الادى. جاڭا باعدارلامانىڭ ارقاسىندا باسپاناسىزدار جاڭا نەمەسە قولدانىستاعى ۇيلەرگە قول جەتكىزەدى. سونىمەن قاتار، ۇمىتكەرلەردىڭ باسىندا باسپانا بار-جوعى ماڭىزدى ەمەس. نەسيە ق ي ك ارىپتەستەرى بولىپ سانالاتىن ە د ب (ەكىنشى دەڭگەيلى بانكتەر) ارقىلى بەرىلەدى»، - دەدى كومپانيادان.

ەگەر ۇمىتكەرلەر تولەم قابىلەتىن دالەلدەي السا، يپوتەكالىق قارىز بويىنشا جىلدىق پايىزدىق مولشەرلەمە - %12 بولماق. ال ەگەر تولىق دالەلدەي الماسا، %14 بەن بەرىلەدى.

«وردا» ارقىلى ەڭ كوپ دەگەندە 40 ميلليون تەڭگەگە دەيىنگى سوماعا باسپانا الۋعا بولادى. قارىز 20 جىلعا بەرىلەدى. بۇل يپوتەكا قازاقستاننىڭ 16 قالاسىندا جۇرگىزىلەدى. ءبىراق، كليەنتتىڭ جاسى 21 دەن اسىپ، نەسيە مەرزىمى اياقتالعانشا زەينەت جاسىنا جەتپەۋى ءتيىس»، - دەدى ق ي ك- تان.

«وردا» يپوتەكاسى بويىنشا قارىز الۋ ءۇشىن كليەنت ءۇي قۇنىنىڭ %30 ىن الدىن الا تولەپ، تولەم قابىلەتىن تولىق راستاۋى قاجەت.

ال تولەم قابىلەتىن راستاي الماسا، ءۇي قۇنىنىڭ %50 ىن الدىن الا سالۋى كەرەك.

سونىمەن قاتار، العاشقى سالىم بولماعان جاعدايدا كليەنت ءوزىنىڭ باسىنداعى جىلجىمايتىن مۇلكىن كەپىلگە قويسا بولادى.

«ءبىزدىڭ يپوتەكا كوپتەگەن قازاقستاندىقتاردىڭ باسپانا جاعدايىن تۇزەتۋگە مۇمكىندىك بەرەدى. بورىشكەرلەر وزدەرىنە ىڭعايلى پارامەترلەر ارقىلى قولايلى ايلىق تولەم بەلگىلەي الادى»، - دەدى ق ي ك باسشىسى ءادىل مۇحامەدجانوۆ.