اتىراۋداعى ەلباسى كورمەسىنە كەلۋشىلەر قاتارى كوبەيدى

None
None
اتىراۋ. قازاقپارات - اتىراۋداعى ش. ساريەۆ اتىنداعى كوركەمسۋرەت جانە قولدانبالى-ساندىك ونەر مۋزەيىندە اشىلعان «ن. نازاربايەۆ: ءداۋىر، تۇلعا، قوعام» اتتى كوشپەلى قور كورمەسىنە كەلۋشىلەر سانى كوبەيدى، دەپ حابارلايدى قازاقپارات ءتىلشىسى.

كوشپەلى كورمەنى تاماشالاۋعا كەلگەندەردىڭ قاتارىندا اتىراۋ قالالىق مۇگەدەكتەردى ساۋىقتىرۋ ورتالىعىنان كەلگەن ازاماتتار دا بار. مۇمكىندىگى شەكتەۋلى جاندار ەلباسى كىتاپحاناسىنىڭ ارحيۆ، كىتاپحانا، مۋزەي قورلارىنىڭ ماتەريالدارىن، ن. ءا. نازاربايەۆتىڭ جوعارى مەملەكەتتىك ناگرادالارىنىڭ بىرەگەي جيناعى، مەملەكەت باسشىلارى جانە قازاقستاندىق اۆتورلار تارتۋ ەتكەن قولتاڭباسى بار كىتاپتار، شەت تىلدەرگە اۋدارىلعان ەڭبەكتەرىن تاماشالاپ، ەرەكشە اسەرگە بولەندى.

«ەلباسى كورمەسىنىڭ ءوز ولكەمىزگە كەلۋى - ەرەكشە وقيعا. مۋزەيدەن ەلىمىزدىڭ تۇتاس تاريحىنا كۋا بولىپ وتىرمىز. قۇندى جادىگەرلەرمەن تانىسىپ، ەرەكشە اسەرگە بولەندىك. اسىرەسە، ەلباسىمىزدىڭ سىن ساعاتتاردا قول قويعان ەلدىڭ تاعدىرىن شەشۋدەگى باستى ءرول اتقارعان قۇجاتتاردىڭ ءتۇپنۇسقاسى، كوپتەگەن فوتو جانە ۆيدەو ماتەريالدارىن ەرەكشە ىقىلاسپەن تاماشالادىق» دەيدى ولار.

ەكسكۋرسيا جۇرگىزۋشىسى دينارا ەسقازيەۆانىڭ ايتۋىنشا، 18- قىركۇيەك پەن 11- قازان ارالىعىندا كورمەنى 52184 ادام تاماشالاعان.

«ەلباسى كورمەسىن تۇرعىندار زور ىقىلاسپەن تاماشالاۋدا. بالاباقشا تاربيەلەنۋشىلەرىنەن باستاپ، وقۋشىلار مەن ستۋدەنت جاستارعا دەيىن ءتۇرلى ساناتتاعى كەلۋشىلەرگە ارنالعان ەكسكۋرسيالار ۇيىمداستىرىلۋدا» دەيدى ول.

سوڭعى جاڭالىقتار