ىشكى ىستەر مينيسترلىگى پوليتسيانى جاڭعىرتۋ جونىندەگى جول كارتاسىن ازىرلەۋگە كىرىستى
بۇل تۋرالى ق ر ىشكى ىستەر ءمينيسترى قالمۇحانبەت قاسىموۆ قاتىسقان مينيسترلىكتىڭ القا ماجىلىسىندە ءمالىم ەتىلدى. دەپ حابارلايدى قازاقپارات.
مينيسترلىكتىڭ باسپا ءسوز قىزمەتىنىڭ مالىمەتىنشە، جيىندا مەملەكەت باسشىسىنىڭ 5 - قازانداعى قازاقستان حالقىنا جولداۋى تالاپتارىنىڭ اياسىندا ىشكى ىستەر ورگاندارىنىڭ مىندەتتەرى قارالدى، سونداي- اق 2018 -جىلدىڭ 9 ايىنداعى جۇمىس قورىتىندىسى جاسالدى. جولداۋدى ىسكە اسىرۋ ءۇشىن مينيسترلىك پرەزيدەنت اكىمشىلىگىنىڭ باسشىلىعىمەن قازاقستاندىق پوليتسيانى جاڭعىرتۋ جونىندەگى جول كارتاسىن ازىرلەۋدى باستادى.
«جول كارتاسىندا ءى ءى م- ءنىڭ شتاتتىق سانىن وڭتايلاندىرۋ، باسقارۋشىلىق بۋىندى قىسقارتۋ، پوليتسيانى وعان ءتان ەمەس فۋنكسيالاردان ارىلتۋ جوسپارلانۋدا. پوليتسيانى باعالاۋ ولشەمدەرى تۇبەگەيلى وزگەرتىلىپ، قوعامنىڭ سەنىم دەڭگەيى مەن حالىقتىڭ قاۋىپسىزدىگىن ارتتىرۋعا باعىتتالادى»، - دەلىنگەن حابارلامادا.
سونداي- اق، ق. قاسىموۆ ىشكى ىستەر ورگاندارىنىڭ جۇمىسىن سەرۆيستىك ۇلگىگە اۋىستىرۋدى كوزدەيتىن حالىقپەن جۇمىس ىستەۋدىڭ زاماناۋي فورماتتارىن ەنگىزىلەتىنى، كادردى ىرىكتەۋ جۇيەسىنەن باستاپ، ورنالاستىرۋعا جانە قىزمەت بابىندا جوعارىلاتۋ بويىنشا پوليتسيانىڭ جاڭا ستاندارتتارى بەكىتىلەتىنى، ۆەدومستۆولىق ءبىلىم بەرۋ جۇيەسىنىڭ تۇبەگەيلى وزگەرتىلەتىنى تۋرالى حابارلادى.
ق. قاسىموۆ وڭىرلەردە قىلمىسقا قارسى كۇرەستى جانە قۇقىق بۇزۋشىلىقتاردىڭ الدىن الۋ جونىندەگى جۇمىستى جانداندىرۋدى تاپسىردى. بۇل رەتتە قىلمىستىڭ باسىم بولىگىن قۇرايتىن ۇرلىققا قارسى ءىس- قيمىل ماسەلەلەرىنە ەرەكشە نازار اۋدارىلدى. سونداي- اق، جەدەل باسقارۋ ورتالىقتارىنىڭ جۇمىسىن جاقسارتۋ، قۇقىقتىق ءتارتىپتى قورعاۋدى جانە ازاماتتاردىڭ قاۋىپسىزدىگىن قامتاماسىز ەتۋ بويىنشا كەزەكشى بولىمدەردىڭ پوليتسيانىڭ كۇش- قۇرالدارىن باسقارۋدى جاقسارتۋ ماسەلەلەرى تالقىلاندى.
