19:49, 11 - قازان 2018 | GMT +6
قازاقستاندا العاش رەت ينكليۋزيۆتى فۋتبول كلۋبى اشىلدى
استانا. قازاقپارات - «قايرات» فۋتبول كومانداسىنىڭ ت. سەگىزبايەۆ اتىنداعى فۋتبول اكادەمياسىندا «اڭساۋ» اتتى قازاقستاندا العاشقى ينكليۋزيۆتى بالالار فۋتبول كلۋبىنىڭ تۇساۋكەسەرى ءوتتى، دەپ حابارلايدى قازاقپارات.
«مەيىرىم» ەرىكتىلەر قوعامى» قوعامدىق قورى مەن «قايرات» ف ك- ءنىڭ «اۋتيزمدى جەڭۋگە بولادى» اتتى الەۋمەتتىك جوباسى اۋتيزم دەرتىنە شالدىققان بالالاردى سپورتقا باۋلۋعا مۇمكىندىك بەرەدى.
«مۇنداي تاجىريبە - بىرەگەي، سەبەبى اۋتيست بالالار ءبىر- بىرىمەن ارەكەتتەسە المايدى. جاتتىقتىرۋ پروتسەسىنىڭ بۇگىنگى مىسالى بۇل جاعدايدى وزگەرتۋگە بولاتىنىن كورسەتىپ وتىر» ، - دەپ اتاپ ءوتتى ۇيىمداستىرۋشىلار.
«اۋتيزمدى جەڭۋگە بولادى» جوباسى ءوز جۇمىسىن 2013 -جىلى الماتى قالاسىنداعى اۋتيست بالالاردىڭ اتا- انالارى قاۋىمداستىعىندا باستاعان. جوبا بالالارى اۋتيستىك سپەكتر اۋىتقۋىنا دۋشار بولعان قازاقستاندىق وتباسىلارعا كومەكتەسۋگە باعىتتالعان.
