قازاقستان مەن ا ق ش مادەني مۇرالاردى ساقتاۋ جونىندە ۋاعدالاستى
بۇل تۋرالى ا ق ش ەلشىلىگىنە سىلتەمە جاساپ قازاقپارات حابارلايدى.
مەموراندۋم امەريكا قۇراما شتاتتارى جانە قازاقستان اۋماعىندا تۇراتىن نەمەسە ءومىر سۇرگەن بارلىق ۇلتتىق، ءدىني جانە ەتنيكالىق توپتاردىڭ، سونىمەن قاتار ەكىنشى دۇنيەجۇزىلىك سوعىس كەزىندەگى گەنوتسيد قۇرباندارىنىڭ مۇرالارىن ساقتاۋ بويىنشا بىرلەسە اتقارىلاتىن ءىستىڭ باستاماسى بولماق.
بۇل مەموراندۋم - مادەني مۇرانى ساقتاۋ سالاسىنداعى ىنتىماقتاستىقتىڭ نەگىزى جانە ول ەكى ەل اراسىنداعى مادەني- گۋمانيتارلىق ىنتىماقتاستىقتى نىعايتادى.
«بولاشاق ۇرپاعىمىز ءۇشىن مادەني مۇرالاردى ساقتاۋدى كوزدەگەن ورتاق ۇمتىلىسىمىزدا بىرلەسە الامىز دەپ سەنەمىن» ، - دەگەن پول پاركەر مىرزا قۇجاتقا قول قويدى.
امەريكا قۇراما شتاتتارىنىڭ شەتەلدەگى امەريكالىق مۇرانى ساقتاۋ جونىندەگى كوميسسياسىنىڭ ءتوراعاسى پول پاركەر قازاقستانعا العاش رەت استانادا ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ التىنشى سەزىنە قاتىسۋ ءۇشىن كەلدى.
