استانادا «نۇرلى جەرمەن» بەرىلەتىن پاتەرلەرگە قۇجاتتار قابىلداۋ باستالدى
ق ر ۇكىمەتىنىڭ 2018 -جىلعى ماۋسىم ايىنداعى قاۋلىسىمەن «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسى بەكىتىلگەن. وسى باعدارلاما بويىنشا «قازاقستاننىڭ تۇرعىن ءۇي قۇرىلىس جيناق بانكى» تۇرعىن ۇيلەر سالادى. استانا قالاسىنىڭ اكىمدىگى مەن «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامى اراسىندا استانا قالاسىندا № 23-31، 23-16، 23-17، 23-30، ا98 (جوبالىق اتاۋلار) كوشەلەرى قيىلىسىندا كوپپاتەرلى تۇرعىن ءۇي كەشەنىندە ورنالاسقان 4-كلاستى جايلىلىقتى، تۇرعىن ءۇيدىڭ 1 شارشى مەترى 120 مىڭ تەڭگە بولاتىن 21 پاتەردى ساتۋ بويىنشا 2016 -جىلعى 26 -شىلدەدە ىنتىماقتاستىق تۋرالى كەلىسىمگە قول قويىلعان. ونىڭ ىشىندە: 3 - 39,4-تەن - 42,48-گە دەيىن ش. م ءبىر بولمەلى پاتەر؛ 15 - 57,59-دان - 58,43-كە دەيىن ش. م ەكى بولمەلى پاتەر؛ 3 - 76,97-دەن - 78,06-عا دەيىن ش. م ءۇش بولمەلى پاتەرلەر بار.
تۇرعىن ءۇي ءوز قاراجاتى نەمەسە تۇرعىن ءۇي قۇرىلىس جيناعىنان، نەسيە ەسەبىنەن تىكەلەي ساتىپ الۋ ارقىلى جەكە مەنشىككە بەرىلەدى. تولەم قابىلەتتىگى راستالماعان جاعدايدا تۇرعىن ءۇي 8 جىلدان اسپايتىن مەرزىمگە ساتىپ الۋمەن جالعا بەرىلەدى.
«ق ت ق ج ب» ا ق تۇرعىن ءۇي» باعىتى بويىنشا باعدارلاما شارتتارىنا سايكەس، استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان ازاماتتار (كەزەكتەگىلەر) مىنا ساناتتار بويىنشا قاتىسا الادى: جەتىم بالالار، اتا-اناسىنىڭ قامقورلىعىنسىز قالعان بالالار، ۇوس مۇگەدەكتەرىنە جانە قاتىسۋشىلارىنا تەڭەستىرىلگەن تۇلعالار، جاسىنا قاراي زەينەتكەرلەر، ورالماندار، تولىق ەمەس وتباسىلار، مەملەكەتتىك قىزمەتشىلەر، اسكەري قىزمەتشىلەر، ارنايى مەملەكەتتىك ورگانداردىڭ قىزمەتكەرلەرى، بيۋدجەتتىك ۇيىمداردىڭ قىزمەتكەرلەرى.
قۇجاتتاردى قابىلداۋ ءوتىنىش بەرۋشىنىڭ ەلەكتروندىق سيفرلىق قولتاڭباسىن قولدانۋمەن، e.astana.kz ۆەب- پورتالى ارقىلى عانا جۇزەگە اسىرىلادى، «ق ت ق ج ب» ا ق تۇرعىن ءۇي» جۇيەسىندە - 2018 -جىلعى 10 - 12 -قازان ارالىقتارىندا (قوسا العاندا).
تۇرعىن ءۇيدى الۋعا ۇمىتكەرلەر نەگىزگى تالاپتارعا سايكەس قۇجاتتار تاپسىرادى. قاجەت بولعان جاعدايدا ازاماتتاردان قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ قىزمەتكەرلەرى قوسىمشا قۇجاتتار سۇرالادى، سونداي-اق ءوتىنىش يەسىنىڭ بەرگەن مالىمەتتەرىن ناقتىلاۋ ءۇشىن شاقىرىلۋى مۇمكىن.
وتباسى قۇرامى (وتباسى مۇشەلەرىنىڭ سانى) تالاپ ەتىلگەن پاتەردىڭ الاڭىنا اسەر ەتپەيدى، ۇمىتكەرلەر ءوز قالاۋى بويىنشا پاتەر ءتۇرىن كورسەتەدى.
ءوتىنىش بەرۋشىلەر اراسىندا باستاپقى ىرىكتەۋدى استانا قالاسى اكىمدىگىنىڭ جانىنداعى تۇرعىن ءۇي كوميسسياسى «نۇرلى جەر» تۇرعىن ءۇي قۇرىلىسى باعدارلاماسى شەڭبەرىندە تۇرعىن ۇيگە مۇقتاجدار تىزىمىنە جانە كەزەككە تۇرعان كۇنىنە سايكەس جۇرگىزەدى.
ءوتىنىش بەرۋشىلەردىڭ تولەم قابىلەتتىلىكتەرىنە ىرىكتەلگەن باعالاۋ جۇرگىزگەننەن كەيىن كوميسسيا اكىمدىكتىڭ ينتەرنەت- رەسۋرسىندا باعدارلاما قاتىسۋشىلاردىڭ تۇپكىلىكتى ءتىزىمىن جاريالايدى.
e.astana.kz ۆەب- پورتالى ارقىلى ءوتىنىش بەرۋ كەزىندە iKomek ءبىرىڭعاي بايلانىس ورتالىعىنان تولىعىراق اقپارات الۋعا بولادى.
