استانادا قار جاۋادى - قازگيدرومەت

 استانا. قازاقپارات - قازاقستاننىڭ بىرنەشە وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات قازگيدرومەتكە سىلتەمە جاساپ.

سينوپتيكتەردىڭ مالىمدەۋىنشە، 11 - قازان كۇنى تۇندە اقمولا وبلىسىنىڭ كەي جەرلەرىندە جەل وڭتۇستىك- باتىستان سوعادى، كۇندىز وبلىستىڭ باسىم بولىگىندە جەلدىڭ جىلدامدىعى 15-20 م/س، ال كۇندىز جەلدىڭ ەكپىنى 25 م/س- قا دەيىن جەتۋى مۇمكىن.

استانادا 11 - قازاندا جەل وڭتۇستىك- باتىستان سەكۋندىنا 15-20 مەتر جىلدامدىقپەن سوعادى.

داۋىل سوعۋ قاۋپى -%95-100.

12-13 - قازان كۇندەرى اقتوبە، قوستاناي، سولتۇستىك قازاقستان، اقمولا، قاراعاندى وبلىستارىندا، 13 - قازاندا پاۆلودار وبلىسىندا جاۋىن- شاشىن بولادى، جاڭبىر جاۋىپ، ارتىنشا قارعا ۇلاسادى. جەل الدىمەن وڭتۇستىك- باتىستان، ارتىنشا سولتۇستىك- باتىستان سەكۋندىنا 15-20 مەتر جىلدامدىقپەن سوعادى، ەكپىنى 25 م/س- قا دەيىن جەتۋى مۇمكىن. اۋا تەمپەراتۋراسى كۇندىز 3-10 گرادۋس نولدەن جوعارى بولادى.

استانا قالاسىندا 12 - قازان كۇنى كۇندىز جانە 13 - قازان كۇنى جاڭبىر جاۋىپ، ارتىنشا قارعا ۇلاسۋى مۇمكىن. 12 - قازاندا جەل وڭتۇستىك- باتىستان 15-20 م/س جىلدامدىقپەن سوعۋى مۇمكىن.

داۋىل سوعۋ قاۋپى - %85-90.