شەتەلدىك مۇناي كومپانيالارىن باسقارۋعا قازاقستاندىقتار كوپتەپ تارتىلماق
«بۇگىندە ەلىمىزدەگى شەتەلدىك ءىرى كومپانيالاردىڭ بارلىعىندا دەپارتامەنت باسشىلارى شەتەل ازاماتتارى. كوپتەگەن كومپانيالاردىڭ قازاقستاندا جۇمىس ىستەپ جاتقانىنا 20 جىلدان استى، دەگەنمەن كومپانيا باسشىلارىنىڭ ىشىندە وتاندىق ماماندار جوق. سوندىقتان ءبىزدىڭ وداق ق ر ەنەرگەتيكا مينيسترلىگىمەن بىرىگىپ شەتەلدىك مۇناي ءوندىرۋ كومپانيالارىنداعى باسشىلىق قىزمەتكە، ناقتى ايتقاندا دەپارتامەنت باسشىلىعىن وتاندىق ماماندارمەن قامتۋ جوباسىن قولعا الدىق» ، - دەدى قازاقستان مۇناي سەرۆيس كومپانيالار وداعى جوبالارىنىڭ باسقارۋشى نياز جۇمات وكق- دە وتكەن باسپا ءسوز ءماسليحاتىندا.
ونىڭ ايتۋىنشا، ءىرى كومپانيالاردى قازاقستاندىقتاردىڭ باسقارۋىنىڭ ارتىقشىلىعى وتاندىق مۇناي ءوندىرۋ كومپانيالارىنىڭ جۇمىسىنىڭ العا باسۋىنا سەپتىگىن تيگىزەدى ەكەن.
سونىمەن قاتار مۇناي سەرۆيس وداعىنىڭ وكىلى قازىردە تەڭىز شيەۆرويل، قاراشىعاناق تاعى باسقا ءىرى مۇناي ءوندىرۋ كومپانيالارى باسشىلىعىندا بىردە- ءبىر قازاقستان ازاماتىنىڭ جوقتىعىندا تىلگە تيەك ەتتى.
«شەتەلدىك ماماندار بىزگە 3-4 جىلعا كەلىسىمشارتپەن كەلەدى، ولار قازاقستاننىڭ ىشكى نارىعىن تولىق بىلمەيدى، وسى تۇرعىدا ءوز ازاماتتارىمىزدىڭ پوزيتسياسىن ۇسىنىپ، قولداۋىمىز كەرەك. وسى ماقساتتا 2025 -جىلعا دەيىن بارلىق ءىرى مۇناي كومپانيالارى باسشىلىق قىزمەتتەرىندە قازاقستان ازاماتىنىڭ بولۋىن قامتاماسىز ەتۋ، باسقاشا ايتقاندا تالاپ ەتۋدى قولعا الۋدامىز» ، - دەدى ول.
بۇعان دەيىن حابارلاعانىمىزداي، ەلىمىزدە الداعى جىلدان باستاپ كاسپي تەڭىزىندە حازار جانە قالامقاس مۇناي وڭدەۋ جوبالارى سول سياقتى تەڭىز كەن قويناۋىندا بيۋدجەتى 5 ميلليارد ا ق ش دوللارىن قۇرايتىن تاعى ءبىر مۇناي ءوندىرۋ جوباسى ىسكە قوسىلادى.
