16:52, 10 - قازان 2018 | GMT +6
بەلگرادتا استانا كۇندەرى وتەدى
استانا. قازاقپارات - استانا اكىمى باقىت سۇلتانوۆ پەن بەلگراد ءمەرى زوران رادويچيچ 2019 -جىلى بەلگرادتا استانا كۇندەرىن وتكىزۋگە كەلىستى، دەپ حابارلايدى قازاقپارات.
ەلوردا اكىمدىگىنىڭ رەسمي سايتىندا ءمالىم ەتىلگەندەي، قوس ەل استانالارىنىڭ باسشىلارى ەكىجاقتى قارىم- قاتىناستى كەڭ كولەمدە دامىتۋعا جانە بەكىتۋگە كەلىستى. سونداي- اق قازاقستان جانە سەربيا ەلدەرى استانالارىنىڭ اراسىندا كوميۋنيكەگە قول قويىپ، دوستىق قارىم- قاتىناستى ودان ءارى دامىتۋعا ۋاعدالاستى.
بۇدان بولەك، ساۋدا- ەكونوميكا سالاسىن، گۋمانيتارلىق جانە عىلىمي ءبىلىم بەرۋ ىنتىماقتاستىعىن دامىتۋ ماسەلەسى كوتەرىلدى.
استانا مەن بەلگراد قالاسىنىڭ باسشىلارى ەكى استانانىڭ اتقارۋشى ورگاندارى اراسىنداعى ءوزارا ءىس- قيمىلدى ۇيلەستىرۋ ماقساتىندا بىرلەسكەن جۇمىس توبىن قۇرۋ جانە ونىڭ تۇراقتى، ءتيىمدى قىزمەتىن قامتاماسىز ەتۋدى تالقىلادى.