ءدىن كوشباسشىلارى الەم ەلدەرىن بەيبىتشىلىككە شاقىرۋلارى قاجەت - ق ر پرەزيدەنتى
بۇل تۋرالى بۇگىن ەلوردادا ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ VI سەزىندە ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
«سىزدەر مەن بىزدەر جەر بەتىندە بەيبىتشىلىكتى قامتاماسىز ەتۋ ۇمتىلىسىمىزعا نەگىز بولعان زور الەۋەتىمىزدى لايىقتى دەڭگەيدە پايدالانامىز. ءوزارا ءىس- قيمىلدىڭ جاڭا دەڭگەيىنە شىعۋ قاجەت. ءسوز جانجالداسۋشى تاراپتاردىڭ اراسىندا كونسترۋكتيۆتى ديالوگ ورناتۋ ءۇشىن ءدىني كوشباسشىلاردىڭ، ءدىني ۇيىمداردىڭ زور مۇمكىنشىلىگىن پايدالانۋ جايىندا بولىپ وتىر»، - دەدى ەلباسى.
وسى رەتتە قازاقستان پرەزيدەنتى بارلىق ءدىن كوشباسشىلارىنا الەمدىك قوعامداستىقتى، ادامداردى، مەملەكەتتەردى بەيبىتشىلىك پەن قاۋىپسىزدىككە شاقىرىپ، ءسوز سويلەۋدى ۇسىندى.
«ونى ءاربىر ءدىننىڭ تاجىريبەسىنە سايكەس فەتۆا، ينسيكليكتيكا نەمەسە وزگە دە جولداۋلار مەن جۇگىنىمدەر فورماسىندا بىلدىرۋگە بولار ەدى»، - دەدى نۇرسۇلتان نازاربايەۆ.
