اۆستراليالىق ساياحاتشىنىڭ قازاقتىڭ ۇلتتىق تاعامى تۋرالى ءسوزى ەلدى اشۋلاندىردى
اۆستراليالىق ساياحاتشى قازاقتىڭ ۇلتتىق تاعامى ءدامسىز ەكەنىن ايتىپ ەلدى اشۋلاندىردى
ول جەلىدە ەت تاعامىنىڭ ءدامسىز ەكەنىن ايتقانى سول ەدى، جاعىمسىز پىكىرلەر جازىلا باستادى.
«مەن الماتىدا گەولوكاتسيا قويىپ، كەڭەستىك زاماننىڭ ءمۇسىنىنىڭ سۋرەتىن جاريالادىم دا، جىلقى ەتى مەن قىمىزدىڭ ءدامسىز ەكەنىن جازدىم. وسىدان سوڭ جاعىمسىز پىكىر جازىلا باستادى»، - دەيدى گراۋندۆوتەر.
ول قازاقستاندىقتاردى «وتە سەزىمتال» دەپ اتادى.
«ۇلتتىق تاعام - ول ءار ەلدىڭ تاريحى ءارى ماقتانىشى. بۇل كوپ جىلعى مادەنيەتپەن ساباقتاسادى. بۇل تاعام داستارحانعا قۇرمەتپەن قويىلادى. تۋريستەردى ۇلتتىق تاعامدى جامان دەپ جازعاندا جەرگىلىكتى تۇرعىنداردىڭ نەگە رەنجيتىنىن جاقسى تۇسىنەم»، - دەپ جازدى بلوگەر.
الايدا ساياحاتشى ءوز ساپارىنان العان اسەرىن شىن جازۋ كەرەك ەكەنىن العا تارتتى. وعان سينگاپۋردە دە تاعام ۇناماعان ەكەن. ول ەلدىڭ تۇرعىندارى دا مۇنى قابىلداي الماعان. ساياحاتشىنىڭ ايتۋىنشا، ەڭ ءدامدى تاعام يسپانيادا. ول ءوز بلوگىنداوسى ەلدىڭ ۇلتتىق تاعامى تۋرالى توقتالىپ وتكەن. يسپانيا ەلشىلىگى وسى جازبانى وقىعان سوڭ ساياحاتشىنى قابىلداعان.
گراۋندۆوتەر ساياحاتشىلارعا ساپاردا جۇرگەن ەلىنىڭ ۇلتتىق تاعامى جونىندە ۇنامسىز پىكىر جازباۋعا كەڭەس بەردى.