نۇرسۇلتان نازاربايەۆ شەكاراارالىق سۋلارعا قاتىستى قازاقستاننىڭ ۇستانىمىن جاريالادى

None
None
استانا. قازاقپارات - استانادا شەكارالىق سۋ ارنالارى تۋرالى كونۆەنسياعا مۇشە ەلدەرى كەڭەسىنىڭ VIII سەسسياسى باستالدى.

اتالعان شارا ازيا ايماعىندا العاش رەت ءوتىپ وتىر.

وسىعان وراي، ق ر پرەزيدەنتى نۇرسۇلتان نازاربايەۆ وتىرىس قاتىسۋشىلارىنا ءوز ۇندەۋىن جولدادى، دەپ حابارلايدى قازاقپارات ءتىلشىسى.

«جاھاندىق ماڭىزى بار وسىنداي جيىن ازيا ايماعىندا العاش وتكىزىلىپ وتىر. كونۆەنسياعا قاتىسۋشى ەلدەردىڭ سانى ارتىپ كەلەدى. دەمەك، دۇنيەجۇزىندە سۋ رەسۋرستارىن پايدالانۋ پروبلەماسىنىڭ ماڭىزى ارتتى. سۋ - شەكتەۋلى رەسۋرستاردىڭ ءبىرى. ونىڭ تاپشىلىعى الەمنىڭ كوپتەگەن ايماقتارىندا تۇراقتى دامۋعا كەدەرگى كەلتىرىپ وتىر. ال سۋ كوزدەرى ءۇشىن كۇرەس گەوساياساتتىڭ قۇرالىنا اينالىپ، سان الۋان تەكەتىرەستەرگە سەبەپ بولۋدا. جەر- جاھاندا 260-تان استام ترانسشەكارالىق سۋ باسسەيىندەرى بار. سونىڭ بارلىعى جەر شارىنىڭ جارتىسىن الىپ وتىر. وندا بارلىق حالىقتاردىڭ 40 پروتسەنتى تۇرادى. سوندىقتان سۋ رەسۋرستارى مەن ترانسشەكارالىق وزەندەردى پايدالانۋ ماسەلەسى حالىقارالىق قاتىناستاردا باسىمدى باعىتتاردىڭ ءبىرى بولىپ سانالادى»، - دەدى ن. نازاربايەۆ ءوزىنىڭ بەينەۇندەۋىندە.

 

سوڭعى جاڭالىقتار