ەلباسى ۆيتسە- پرەمەر اسقار جۇماعاليەۆتى قابىلدادى
ۇكىمەت باسشىسىنىڭ ورىنباسارى پرەزيدەنتكە نيۋ- يورك جانە لوندون قالالارىندا وتكەن ينۆەستيتسيالىق فورۋمداردىڭ قورىتىندىلارى جونىندە ەسەپ بەردى.
اتاپ ايتقاندا، اسقار جۇماعاليەۆ الەۋەتتى شەتەلدىك ينۆەستورلار ءۇشىن ءبىرقاتار پانەلدى سەسسيا وتكىزىلگەنى جونىندە مالىمدەدى. بۇل باسقوسۋلاردا قازاقستانداعى جەكەشەلەندىرۋ ۇدەرىسى، ەكونوميكانىڭ جەكەلەگەن سەكتورلارىنا ينۆەستيتسيا سالۋ، ۇلى جىبەك جولىن جاڭعىرتۋ، كولىك لوگيستيكاسىن دامىتۋ جايى، سونداي- اق سيفرلاندىرۋداعى يننوۆاتسيانىڭ ءرولى مەن «استانا» حالىقارالىق قارجى ورتالىعىنىڭ قىزمەتى تۋرالى ماسەلەلەر تالقىلاندى.
سونىمەن قاتار، پرەمەر- ءمينيستردىڭ ورىنباسارى ينۆەستيتسيالىق فورۋمدار اياسىندا وتكەن ەكى جاقتى كەزدەسۋلەردىڭ ناتيجەلەرىن باياندادى.
نۇرسۇلتان نازاربايەۆ كەزدەسۋ سوڭىندا ءبىرقاتار ناقتى تاپسىرما بەردى.