يليا يلين قازاقستاننىڭ ەكى رەكوردىن جاڭارتتى

None
None
 استانا. قازاقپارات - قازاقستان رەسپۋبليكاسىنىڭ ارمليفتينگ بويىنشا چەمپيوناتىندا كوكشەتاۋلىق يليا يلين ەكى بىردەي رەكورد ورناتتى، دەپ حابارلايدى قازاقپارات ءتىلشىسى اقمولا وبلىسىنىڭ دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنە سىلتەمە جاساپ.

اقمولا وبلىسىنىڭ اتىنان شىققان يليا يلين «رۋسسكايا رۋلەتكا» ءتارتىبى بويىنشا 88 كەلىنى، ودان كەيىن 93 كەلى سالماقتى كوتەردى. وسىلايشا، ول بۇرىن 83 كەلى بولعان قازاقستاننىڭ رەكوردىن جاڭارتىپ وتىر.

سونىمەن قاتار، اقمولالىق جىگىت «رۋسسكايا وس» ءتارتىبى بويىنشا 180 جانە 190 كەلىنى باعىندىردى. بۇرىن قازاقستاننىڭ رەكوردى - 135 كەلى بولاتىن.

وسىلايشا، يليا يلين حالىقارالىق دارەجەدەگى سپورت شەبەرى نورماتيۆىن ورىندادى.

 ارمليفتينگ - كۇشتى تالاپ ەتەتىن سپورتتىڭ جاڭا سپورت تۇرلەرىنىڭ ءبىرى. ارمليفتينگتىڭ شارتى - ديامەترى 60 ميلليمەتر بولاتىن ىڭعايسىز تەمىردى كوتەرۋ بولىپ تابىلادى. ياعني، وعان بەكىتىلگەن اۋىر دومالاق تەمىرلەردى سپورتشى كوتەرۋى ءتيىس. ءبىر قاراعاندا اسا قيىن سپورت ءتۇرى بولماعانىمەن، سپورتشىنىڭ قول بۋىنى سىنالاتىن سپورتتىڭ تۇرىنە قىزىعۋشىلىق ارتىپ كەلەدى.

سوڭعى جاڭالىقتار