الەكساندر ۆۋچيچ نۇرسۇلتان نازاربايەۆتى «سەربيا رەسپۋبليكاسى» وردەنمەن ماراپاتتادى

 استانا. قازاقپارات - قازاقستانعا رەسمي ساپارمەن كەلگەن سەربيا پرەزيدەنتى الەكساندر ۆۋچيچ اقوردادا ەلباسى نۇرسۇلتان نازاربايەۆقا «سەربيا رەسپۋبليكاسى» وردەنىن تابىس ەتتى، دەپ حابارلايدى قازاقپارات ءتىلشىسى.

رەسمي كەزدەسۋ بارىسىندا مارتەبەلى مەيمان نۇرسۇلتان نازاربايەۆقا جىلى قابىلداعانى ءۇشىن شىنايى ريزاشىلىعىن ءبىلدىرىپ، سەربيا مەن قازاقستان اراسىنداعى ەكىجاقتى قارىم- قاتىناستى دامىتۋداعى زور ۇلەسىن اتاپ ءوتتى.

«شاقىرعانىڭىز ءۇشىن ۇلكەن العىسىمدى بىلدىرەمىن. ەكىجاقتى قارىم- قاتىناسىمىزدى دامىتۋ ءۇشىن وتە جاقسى پەرسپەكتيۆا بار» ، - دەپ اتاپ ءوتتى سەربيا پرەزيدەنتى.

سونىمەن قاتار الەكساندر ۆۋچيچ نۇرسۇلتان نازاربايەۆقا كوپتەگەن ماسەلەلەردە جان- جاقتى قولداۋ كورسەتىپ كەلە جاتقانى ءۇشىن العىسىن جەتكىزدى. ەكى ەلدىڭ اراسىنداعى ەكونوميكانىڭ ءتۇرلى سالالارىنداعى ىنتىماقتاستىقتىڭ كەڭەيە تۇسەتىندىگىنە ءۇمىتتى ەكەندىگىن ايتتى.

«ءسىز سەربيا رەسپۋبليكاسىنىڭ اۋماقتىق تۇتاستىعىن، ەگەمەندىگىن قولداپ كەلەسىز» ، - دەدى مارتەبەلى مەيمان.

ءسوز سوڭىندا الەكساندر ۆۋچيچ قازاقستان پرەزيدەنتى نۇرسۇلتان نازاربايەۆقا «سەربيا رەسپۋبليكاسى» وردەنىن تابىس ەتتى. بۇل وردەن سەربيانىڭ شەتەلدىك دوستارىنا بەرەتىن ەڭ جوعارى ناگراداسى سانالادى.

«بۇل ناگرادانى ۆلاديمير ۆلاديميروۆيچ (پۋتين) مەن شي جينپين عانا العان» ، - دەدى سەربيا پرەزيدەنتى.

ايتا كەتەيىك، سەربيا باسشىسى قازاقستان پرەزيدەنتى نۇرسۇلتان نازاربايەۆتىڭ شاقىرۋىمەن رەسمي ساپارمەن كەلىپ وتىر. بۇگىن مارتەبەلى مەيمان اقوردادا نۇرسۇلتان نازاربايەۆپەن كەزدەسۋ وتكىزدى.

كەزدەسۋ بارىسىندا نۇرسۇلتان نازاربايەۆ سەربيا پرەزيدەنتىن «دوستىق» وردەنىمەن ماراپاتتادى.

ساپار اياسىندا الەكساندر ۆۋچيچ قازاقستان- سەربيا ىسكەرلىك فورۋمىنا، الەمدىك جانە ءداستۇرلى دىندەر كوشباسشىلارىنىڭ VI سەزىنىڭ اشىلۋىنا قاتىسادى دەپ جوسپارلانعان.

سەربيا پرەزيدەنتىنىڭ ساپارى بارىسىندا ءبىرقاتار ماڭىزدى قۇجاتتارعا قول قويىلماق. ونىڭ ىشىندە قازاقستان مەن سەربيا ۇكىمەتتەرى اراسىنداعى قىلمىسقا قارسى كۇرەستەگى ىنتىماقتاستىق تۋرالى كەلىسىم، سونداي- اق، قازاقستاننىڭ قوعامدىق دامۋ مينيسترلىگى مەن سەربيانىڭ جاستار ساياساتى جانە سوپرت مينيسترلىگى اراسىنداعى ءوزارا تۇسىنىستىك تۋرالى مەموراندۋم بار.

  جالپى اعىمداعى جىلدىڭ 6 ايىندا قازاقستان مەن سەربيا اراسىنداعى ساۋدا- ساتتىقتىڭ كولەمى 16,7 ميلليون ا ق ش دوللارىن قۇرادى. قازىرگى كەزدە قازاقستاندا 20 دان استام سەربيالىق كومپانيا تىركەلگەن. ولاردىڭ باسىم بولىگى كوتەرمە جانە بولشەك ساۋدامەن، سونداي- اق، تۇرعىن- ءۇي مەن كوممەرتسيالىق نىسانداردىڭ قۇرىلىسىمەن اينالىسادى.