ناركولوگ: ەڭ جاقسى ەسىرتكى - ول سەنىڭ ءومىرىڭ

None
None
  استانا. قازاقپارات - بۇگىن ەۋرازيالىق ۇلتتىق ۋنيۆەرسيتەتىندە ءىىم ەسىرتكى بيزنەسىنە قارسى كۇرەس دەپارتامەنتىنىڭ ۇيىمداستىرۋىمەن استانالىق ناركولوگيا جانە پسيحوتەراپيا ورتالىعىنىڭ ماماندارى ستۋدەنتتەرمەن كەزدەسۋ وتكىزىپ، سينتەتيكالىق ەسىرتكىلەردى تاراتۋ جانە تۇتىنۋدىڭ سالدارى تۋرالى ايتتى.

اتالعان اكتسياعا 200 دەن استام ستۋدەنت قاتىستى.

ءىس- شارا بارىسىندا اعزا قىزمەتىنە اقاۋ كەلتىرىپ قانا قويماي، اۋىر پسيحيكالىق جانە باس ميىنىڭ زاقىمدانۋىنا اكەپ سوعاتىن جاڭا پسيحوبەلسەندى زاتتاردى تۇتىنۋدىڭ اۋىر سالدارى تۋرالى ءتۇسىندىرىلىپ، تاقىرىپقا قاتىستى بەيگەروليك كورسەتىلدى.

« ەگەر بۇل تۋرالى بەينەروليك كورسەتپەسەك، ونىڭ نە ەكەنىن، قانشالىقتى زياندى ەكەنىن تۇسىنبەس ەدىڭىزدەر»، - دەيدى ەسىرتكى بيزنەسىنە قارسى كۇرەس دەپارتامەنتىنىڭ پروفيلاكتيكا ءبولىمىنىڭ باستىعى زۋلفيا ياكۋپوۆا.

سونداي- اق، ءىس- شاراعا ارنايى كەلگەن ناركولوگيا جانە پسيحوتەراپيا ورتالىعىنىڭ دارىگەرى توقتار تىلەۋحان ۇلى ەسىرتكىنىڭ زيانى تۋرالى ايتتى.

«1987 -جىلدان بەرى وسى سالادا ءجۇرمىن. ەسىرتكىگە تاۋەلدى بولۋ - ءبىر رەت ءدامىن تاتىپ كورۋدەن باستالادى. «ءبىر رەت ءدامىن كورەم دە قويا سالام» دەسەڭىز - قاتەلەسەسىز! «تاۋەلدى بولىپ قالسام دارىگەر ەمدەي سالادى» دەپ ويلاساڭىز دا - قاتتى قاتەلەسەسىز! ناشاقورلىق - ەڭ اۋىر دەرت. ول ادامنىڭ اعزاسىن عانا ەمەس، ساناسىن دا ۋلايدى. سونىڭ سالدارىنان قانشاما قايعىلى وقيعالار مەن قىلمىستار بولىپ جاتىر. وسى ەسىرتكى سالدارىنان قانشاما ادام كوز جۇمۋدا. ءدال وسى ەسىرتكى قولدانۋ سالدارىنان قانشاما ادام وزىنە قول جۇمساپ، تەرەزەدەن سەكىرىپ، كولىكتىڭ استىنا ءتۇسىپ جاتىر. ومىرىندە ءبىر رەت قانا Spice قولدانىپ كورگەن ادامدى ءبىز پسيحياتريالىق ەمحاناعا تىركەپ قويامىز، ويتكەنى ونى ءبىر رەت قانا قولدانعان ادامنىڭ ساناسى، اقىل- ەسى قالىپقا كەلمەستەي وزگەرىسكە ۇشىرايدى. ال ونى ءجيى، كۇندەلىكتى قولداناتىن ادامنىڭ ساناسىندا قانداي وزگەرىس بولىپ جاتقانىن ەلەستەتىپ كورە الاسىز با؟ »، - دەيدى ول.

ناركولوگ- دارىگەردىڭ ايتۋىنشا، قاراپايىم تەمەكى ءشوپتى مالدىڭ ناجىسىنە جۋۋ ارقىلى جاسالادى.

«ناشاقور اتا- اناسى مەن دوستارىنىڭ الدىندا ءوز دەگەنىن عانا ىستەيتىن، تىيىم سالىنعان زاتتىڭ ءدامىن تاتىپ كورۋگە تاۋەكەل ەتە الاتىن تاكاپپار ادام بولىپ كورىنەر، ال مەن ءۇشىن ناشاقور - ەڭ باقىتسىز، ەڭ بەيشارا ادام. 1989 -جىلى اۋرۋحانادان شىققان ناشاقور ماعان ەندى قايتىپ ەسىرتكىگە جولامايتىنىن ايتتى. ءبىر جارىم جىلدان كەيىن ول قايتادان ەسىرتكى قولدانىپ، اقىل- ەسى اۋىسىپ جۇرگەن كەزدە ەكى بالانىڭ اناسىن ءولتىرىپ تاستادى.»، - دەيدى دارىگەر.

ەسىرتكى بيزنەسىنە قارسى كۇرەس دەپارتامەنت باسقارماسىنىڭ باستىعى بەرىكحان نۇرعاليەۆ ەسىرتكى ساتۋ - اسا اۋىر قىلمىس تۇرىنە جاتاتىنىن ايتتى.

«بۇل اڭگىمەنى ۇيىقتاپ وتىرىپ «تىڭداپ وتىرعان» ستۋدەنتتەر. ءدال وسى تاقىرىپ - ۇيىقتاپ وتىرىپ تىڭدايتىن ماسەلە ەمەس. مەن 1990 -جىلدان بەرى ەسىرتكى سالاسىندا جۇمىس ىستەپ كەلەم. گەروين ەلىمىزگە سول جىلداردان باستاپ كەلە باستادى. ول كەزدە سينتەتيكالىق ەسىرتكى دەگەن جوق ەدى، ال قازىر كوبەيىپ كەتتى. مەن جۇمىس تاجىريبەمدە اناشا قولدانعاندار 50 جىلعا دەيىن، گەروين قولدانعاندار 30 جىلعا دەيىن، ال سينتەتيكالىق ەسىرتكى قولدانعاندار 5 جىلدان ارتىق ءومىر سۇرمەيتىنىن ءتۇسىندىم. وسى زياندى زاتتى قولدانعان كەزدە اقىل- ەسىنەن اداسىپ، تۋعان باۋىرىن سويىپ، سورپا جاساپ ىشكەن ادامدى دا كوردىم. ال سىزگە وسىنداي ءومىر كەرەك پە؟ » - دەيدى ول.

 Baq.kz

سوڭعى جاڭالىقتار