جەر سىلكىنىسىنەن ەس جيا الماي جاتقان يندونەزيادا جانارتاۋ اتقىلادى

استانا. قازاقپارات - سارسەنبى كۇنى جەر سىلكىنىسى مەن سۋنامي سالدارىنان زارداپ شەككەن يندونەزيانىڭ سۋلاۆەسي ارالىندا جانارتاۋ اتقىلادى. بۇل تۋرالى Kyodo اگەنتتىگى حابارلايدى.

ونىڭ مالىمەتتەرىنشە، ارالدا ورنالاسقان جانارتاۋلاردىڭ ءبىرىنىڭ اتقىلاۋىنان اسپانعا كوتەرىلگەن كۇلدىڭ بيىكتىگى 4 شاقىرىمعا جەتكەن.

 28 - قىركۇيەك كۇنى يندونەزيانىڭ ورتالىق سۋلاۆەسي پروۆينتسياسىندا ەكى رەت جەر سىلكىندى. ونىڭ بىرەۋىندە جەر سىلكىنىسىنىڭ قۋاتى 7,4 بالعا جەتتى. سوڭعى مالىمەتتەر بويىنشا، دۇلەي اپات سالدارىنان 1234 ادام قازا تاپقان، تاعى جۇزگە جۋىعى ءىز- ءتۇسسىز جوعالدى، جۇزدەگەن ادام جاراقات العان. تابيعي اپات سالدارىنان 60 مىڭنان استام جەرگىلىكتى تۇرعىن ءوز ۇيلەرىن تاستاپ كەتۋگە ءماجبۇر بولدى.