الەمگە ايگىلى قورعالجىن تەڭىز كولى

None
None
كوكشەتاۋ. قازاقپارات - قورعالجىن اۋدانىنىڭ تۋريزمدى دامىتۋعا الەۋەتى جەتەدى. قاراساڭ كوز تويمايتىن كەستەلى كوركەم تابيعات اياسى ەكولوگيالىق تۋريزمنىڭ بىرەگەي وشاقتارىن اشۋعا سۇرانىپ- اق تۇر.

 قورعالجىن قورىعى مەن اتالمىش اۋداندى تۋريستەر ءۇشىن تارتىمدى ەتۋ تۇرعىسىنداعى جۇمىستار تۋرالى وڭىرلىك كوممۋنيكاتسيالار قىزمەتىندە وتكەن بريفينگتە اقمولا وبلىستىق تۋريزم باسقارماسىنىڭ باسشىسى دانيار يدياتوۆ ايتىپ بەردى، دەپ حابارلايدى قازاقپارات ءتىلشىسى.

باسقارما باسشىسىنىڭ ايتۋىنشا، قورعالجىن اۋدانىنىڭ اۋماعىندا يۋنەسكو- نىڭ تابيعي مۇرالارىنىڭ تىزىمىنە ەنگەن قورعالجىن قورىعى بار. اتالمىش تابيعات قورعاۋ اۋماعىنىڭ باستى ەرەكشەلىگى - قۇستاردىڭ جاھاندىق ميگراتسيا باعىتىنىڭ تۇيىسكەن جەرىندە ورنالاسۋى. بۇل - قازاقستانداعى جانە بۇكىل ەۋرازيا قۇرلىعىنداعى جىل قۇستارىنىڭ ماڭىزدى سۋلى- باتپاقتى جەرى. قورىقتىڭ باستى بايلىعى دا - وسى قۇستار.

Ð'иыл ҚорÒ

«قورىقتا ەلىمىزدىڭ قىزىل كىتابىنا ەنگىزىلگەن قۇستىڭ 32 ءتۇرى كەزدەسەدى. وسى ورنيفاۋنا ارقىلى قورىق الەمگە ايگىلى بولىپ وتىر. 1976 -جىلى تەڭىز- قورعالجىن كولدەر جۇيەسى رامسار كونۆەنتسياسىنا سايكەس، الەمدىك ماڭىزداعى سۋلى- باتپاقتى جەرلەر قاتارىنا جاتقىزىلعان. تەڭىز كولى - الەمنىڭ ناعىز بىرەگەي كولدەرى كىرەتىن «ءتىرى كولدەر» حالىقارالىق جەلىسىنە قوسىلعان ەلىمىزدەگى جالعىز كول. 2007 -جىلى اتالمىش تابيعات قورعاۋ اۋماعىنىڭ قورىقتىق كولدەرى «الەمنىڭ باستى ورنيتولوگيالىق اۋماقتارى» تىزىمىنە قوسىلعان. 2012 -جىلى يۋنەسكو اتالمىش قورىقتىڭ قازاقستانداعى العاشقى بيوسفەرالىق رەزەرۆات ەكەنىن مويىندادى»، - دەدى د. يدياتوۆ.

سونىمەن قاتار، ول قورعالجىن اۋىلىندا 6 قوناقۇي بارىن، وندا ءبىر مەزەتتە 100 ادام قابىلداۋعا بولاتىنىن اتاپ ءوتتى. قورعالجىن قورىعىنىڭ اكىمشىلىك عيماراتىندا 2009 -جىلدان بەرى زاماناۋي ۆيزيت- ورتالىق جۇمىس ىستەيدى. وعان جىل سايىن 3 مىڭنان استام ادام كەلىپ- كەتەدى. بيىلعى توعىز ايدا ۆيزيت- ورتالىققا 2512 ادام كەلىپ، 453 ساياحات ۇيىمداستىرىلعان. ال، قورىق اۋماعىندا بارلىعى 140 ساياحات ۇيىمداستىرىلدى.

 «ستاتيستيكالىق دەرەكتەرگە قاراعاندا، اعىمداعى جىلدىڭ 6 ايىندا كورسەتىلگەن قىزمەتتىڭ كولەمى 2508,2 ميلليون تەڭگەنى قۇرادى. بارلىعى 142 مىڭ ادامعا قىزمەت كورسەتىلگەن. بيىلدان باستاپ ەلىمىزدە جالعىز ورنيتولوگيالىق ورتالىق جۇمىس ىستەي باستادى. بۇعان قوسا، تۋريستەردى تارتۋ ماقساتىندا «قوقيقاز» رەسپۋبليكالىق فەستيۆالى، نۇرا وزەنىندە رافتينگ جانە سپورتتىق بالىق اۋلاۋ سياقتى شارالار وتكىزىلىپ كەلەدى. جالپى، ورنيتوفاۋناعا باي قورعالجىن اۋدانىنىڭ تۋريزمدى دامىتۋ الەۋەتى زور. بۇل باعىتتا 2019-2021 -جىلدارعا ارنالعان جول كارتاسى ازىرلەنۋدە»، - دەپ قورىتىندىلادى د. يدياتوۆ.

اۆتور: اسلان وسپانوۆ

 

سوڭعى جاڭالىقتار