ۇكىمەت پورتالى ارقىلى جۇرگىزۋشى كۋالىگىن الۋ جەڭىلدەدى
كومپانيا باسپا ءسوز قىزمەتىنىڭ حابارلاۋىنشا، ەندى ونلاين رەجيمدە جۇرگىزۋشى كۋالىگىن قايتا شىعارۋ تۋرالى ءوتىنىم بەرگەن كەزدە پايدالانۋشى بۇعان دەيىن ەكىنشى دەڭگەيدەگى بانكتە تولەگەن چەكتەگى مالىمەتتەردى ەنگىزە الادى.
«ول ءۇشىن eGov.kz پورتالىندا تولەۋ كەزىندە «بۇرىن تولەنگەن» دەگەن جازۋى بار جەرگە بەلگى قويىپ، ىزدەۋ ءۇشىن چەك بويىنشا مالىمەتتەردى (سالىق ورگانى، بانك ب س ن- ى، تولەم جاسالعان كۇن، ب ك ك، ت ت ك جانە تولەم سوماسى) ەنگىزۋ كەرەك. بۇدان كەيىن تابىلعان چەكتى تاڭداپ، سۇراۋ سالۋعا ەلەكتروندىق سيفرلىق قولتاڭبا (ە س ق) ارقىلى قول قويۋ كەرەك» دەلىنگەن حابارلامادا.
بۇعان دەيىن بۇل قىزمەت ءتۇرىن ونلاين رەجيمدە پايدالانعان كەزدە جۇرگىزۋشى كۋالىگىن قايتا شىعارۋعا ءوتىنىمدى بەرۋ كەزىندە عانا تولەۋ مۇمكىن بولاتىن.
بۇل قىزمەت ءتۇرى «ەلەكتروندىق ۇكىمەتتىڭ» تولەم شليۋزىندە جاڭارتىلعان. قىزمەت پاسپورتىنا سايكەس، جۇرگىزۋشى كۋالىگىن الۋعا سۇراتۋ 60 مينۋتتىڭ ىشىندە وڭدەلەدى. ناتيجەسى پايدالانۋشىنىڭ جەكە كابينەتىنە حات تۇرىندە كەلەدى.
ەسكە سالا كەتەيىك، جۇرگىزۋشى كۋالىگىن ونلاين رەجيمدە اۋىستىرۋ قىزمەتى اعىمداعى جىلدىڭ ناۋرىز ايىندا ىسكە قوسىلدى. قىزمەت ءتۇرىن الۋ ءۇشىن پايدالانۋشى eGov.kz پورتالىندا ءوتىنىم تولتىرىپ، ە س ق- مەن قول قويۋى ءتيىس. وتىنىمگە فوتوسۋرەت جانە قولتاڭبانىڭ سكانەرلەنگەن سۋرەتى قوسا سالىنادى. بۇدان كەيىن دايىن بولعان حابارلاندىرۋ مەن تولەنگەن چەك باسىپ شىعارىلىپ، دايىن جۇرگىزۋشى كۋالىگىن الۋ ءۇشىن تۇرعىلىقتى مەكەنجاي بويىنشا ارنايى ح ق ك و- عا جىبەرىلەدى.
