ەرلان ساعاديەۆ وقۋشى كەزىندە ۇلگەرىمى قانداي بولعانىن ايتىپ بەردى
استانانىڭ ەكسپو اۋماعىنداعى «حول-ەنەرگي» الاڭىندا مۇعالىمدەر كۇنىنە وراي ءوتىپ جاتقان شارادا ەرلان ساعاديەۆ ۇستازداردى مەرەكەسىمەن قۇتتىقتادى.
مينيستر ءوز سوزىندە مۇعالىمدەردىڭ جالاقىلارى كوتەرىلىپ جاتقانىن ايتا كەتىپ، ۇستازدىق اتتى ۇلى جولدا پەداگوگتاردىڭ بارىنە العىسىن ءبىلدىردى.
مينيستر ءسوزىن اياقتاعاننان كەيىن سالتاناتتى شارانى جۇرگىزۋشى مينيسترگە سۇراق قويدى.
«ەرلان كەنجەعالي ۇلى، ماتەماتيكادان ۇزدىك وقيتىن وقۋشىلار ادەبيەت پەن تىلدىك پاندەردەن اسا مىقتى بولا قويمايتىنى راس پا؟» - دەدى جۇرگىزۋشى.
مينيستر بۇل سۇراققا «البەتتە، راس» دەپ جاۋاپ بەردى.
ءبىلىم جانە عىلىم ءمينيسترىنىڭ جاۋابىن ءىلىپ اكەتكەن جۇرگىزۋشى ىلە-شالا «قازىرگى بالدىق جۇيە بويىنشا ءسىزدىڭ ادەبيەت پەن تىلدىك پاندەردەن ۇلگەرىمىڭىز قالاي بولار ەدى؟» دەگەن ەكىنشى سۇراقتى دا قويدى.
«تىلدىك پاندەر ماعان اۋىرعا ءتۇستى» - دەگەن ءمينيستردىڭ شىنايى جاۋابى كوپتىڭ قوشەمەتىنە ۇلاستى.
ەسكە سالا كەتسەك، استانادا مۇعالىمدەر كۇنىنە وراي وتكىزىلگەن ايتۋلى ءىس-شارادا «ۇزدىك پەداگوگ» رەسپۋبليكالىق بايقاۋىنىڭ جەڭىمپازدارى ماراپاتتالعان بولاتىن.
