ەلوردالىق زەينەتكەرلەرگە اقشالاي كومەك كورسەتىلەدى

None
None
استانا. قازاقپارات - حالىقارالىق قارتتار كۇنىنە وراي ەلوردانىڭ 78 مىڭعا جۋىق زەينەتكەرىنە  6013 تەڭگە كولەمىندە ءبىر جولعى اقشالاي كومەك كورسەتىلەدى، دەپ حابارلايدى استانا اكىمدىگىنىڭ سايتى.

استانا قالالىق جۇمىسپەن قامتۋ جانە الەۋمەتتىك قورعاۋ باسقارماسى اعا بۋىن وكىلدەرىنە ءبىرجولعى كومەكتى جەرگىلىكتى بيۋدجەت ەسەبىنەن بەرەدى.

«قارتتار كۇنىنە وراي 78 مىڭ زەينەتكەرگە  6013 تەڭگە (2,5 ا ە ك) كولەمىندە ءبىر جولعى ماتەريالدىق كومەك كورسەتىلەدى. بۇل كۇنى ولار قالاداعى بارلىق جولاۋشىلار كولىگىمەن تەگىن جۇرە الادى. سونداي- اق، زەينەتكەرلەرگە تەگىن ءتىس پروتەزدەۋ قىزمەتى كورسەتىلەدى»، - دەلىنگەن باسقارمانىڭ رەسمي حابارلاماسىندا.

ۆەدومستۆونىڭ مالىمەتىنشە، زەينەتكەرلەرگە تۇراقتى تۇردە قارتتار، مۇگەدەكتەر جانە مۇگەدەك بالالارعا ارنالعان وڭالتۋ ورتالىعىندا شيپاجاي- كۋرورتتىق ەم الۋ ءۇشىن الەۋمەتتىك كومەك كورسەتىلىپ كەلەدى. بۇل ورتالىق بۋرابايداعى قاتاركول جاعاسىندا ورنالاسقان.

 «جىل باسىنان بەرى 4 مىڭعا جۋىق ادام شيپاجايدا ەم قابىلداعان، سونىڭ ىشىندە 1,7 مىڭ زەينەتكەر، 2 مىڭنان استام مۇمكىندىگى شەكتەۋلى ادام بار»، - دەلىنگەن حابارلامادا.

سوڭعى جاڭالىقتار