ءولىم- ءجىتىمنىڭ كوبەيۋىن كارىلىككە ىسىرا سالۋ دۇرىس ەمەس - ۇكىمەت باسشىسى
«ەلجان امانتاي ۇلى، وڭىرلەردەن ارىپتەستەردىڭ ايتقان ۇسىنىستارىن، اسىرەسە، قىرىمبەك ەلەۋ ۇلىنىڭ ايتقان ۇسىنىستارىن قاراپ شىعىڭىز. ەگەر ءبىز تالاپتاردىڭ ءبارىن وڭىرلەرگە جىبەرەتىن بولساق، وندا ولارعا دا جۇمىستارىن ودان ارى جانداندىرۋ ءۇشىن قوسىمشا تەتىكتەر بەرۋىمىز قاجەت. كورسەتكىشتەر بويىنشا اكىمدەر بايانداپ ءوتتى. ماسەلەن، ءولىم- ءجىتىمنىڭ كوبەيۋى قارتتارعا بايلانىستى دەپ سولارعا ىسىرا سالىپ وتىرۋ، بىلايشا ايتقاندا، دۇرىس ەمەس. ءبىز ءومىر جاسىنىڭ ۇزاقتىعىن73 جاستان اسىرامىز دەپ وتىرمىز. ال ەندى قارتتارىمىز كوپ، سول سەبەپتەن وسىنداي جاعداي بولىپ قالدى دەيمىز. بۇل جۇمىسقا دەگەن كوزقاراستىڭ دۇرىس ەمەستىگىن كورسەتىپ وتىرعانداي» ، - دەدى پرەمەر- مينيستر ەلىمىزدىڭ دەنساۋلىق ساقتاۋ ءمينيسترى ءبىرتانوۆقا قاراتا.
ۇكىمەت باسشىسى سكرينينگ جاسالعان كەزدە كورسەتكىشتەر كوتەرىلەتىندىگىن، ءبىراق، سول سكرينينگ شىعارۋ ارقىلى جۇمىستاردى جەتىلدىرۋ قاجەتتىگىن باسا ايتتى.
«جاڭا ايتىپ وتكەندەي، دارىلەردىڭ تولىققاندى جەتكىزىلۋى، مەديتسينالىق قۇرالدارمەن، كادرلارمەن تولىعىمەن قامتاماسىز ەتۋ جۇمىستارىن ەلجان امانتاي ۇلى ءبىر جۇيەگە كەلتىرۋ قاجەت. سول سەبەپتەن اكىمدەرگە بۇگىنگى ايتىلعانداردى ەسكەرە وتىرىپ، جاعدايدى رەتكە كەلتىرۋ بويىنشا تۇبەگەيلى شارالار قابىلداۋدى تاپسىرامىن» ، - دەدى ۇكىمەت باسشىسى.
سونىمەن قاتار باقىتجان ساعىنتايەۆ دەنساۋلىق ساقتاۋ نىساندارىنىڭ ماتەريالدىق- تەحنيكالىق جاعدايىن زاماناۋي مەديتسينالىق جابدىقتارمەن قامتاماسىز ەتۋ پروبلەماسىن شەشۋ قاجەتتىگىنە نازار اۋداردى.
«بۇل جەردە مەملەكەتتىك- جەكەشەلىك ارىپتەستىك سىزباسىن تولىققاندى پايدالانۋ كەرەك. دەنساۋلىق ساقتاۋ مينيسترلىگى ءبىلىم جانە عىلىم مينيسترلىگىمەن جانە اكىمدىكتەرمەن بىرگە ارنايى مامان دارىگەرلەردى وقىتۋ، ەمحانالار مەن اۋرۋحانالاردى دارىگەر كادرلارمەن قامتۋ، ولاردىڭ بىلىكتىلىگىن ارتتىرۋ، الەۋمەتتىك قولداۋ شارالارىن قابىلداسىن» ، - دەدى ول.
