اۋليەاتادا حالىقارالىق اسكەري وقۋ- جاتتىعۋ باستالدى
بىرلەسكەن اسكەري ءىس- شاراعا ۇجىمدىق قاۋىپسىزدىك كەلىسىمشارتى ۇيىمىنا مۇشە مەملەكەتتەر - قازاقستان، قىرعىزستان، تاجىكستان، ارمەنيا، رەسەي جانە بەلارۋستىڭ اسكەري قۇرىلىمدارى قاتىسىپ جاتىر.
كەشەلى بەرى اسكەريلەر لاڭكەستەرمەن كۇرەسۋ ماقساتىندا تۇنگى بارلاۋ، اۋەدەن شابۋىل جاساۋ، ارتيللەريالىق وق جاۋدىرۋ سىندى تاكتيكالىق تاپسىرمالاردى سىناپ كوردى. ناتيجە جامان ەمەس. ەندى قۇرلىق اسكەرلەرى اراسىنداعى ءوزارا تۇسىنىستىك پەن جاۋىنگەرلىك دايارلىق تەكسەرىلەدى.
اناتوليي سيدوروۆ، ۇ ق ك ۇ بىرلەسكەن شتاب باسشىسى:
- بۇل وقۋ- جاتتىعۋ لاڭكەستىككە قارسى دايىندىق بولىپ سانالادى. بارلىق جاتتىعۋلار اۋەدە، جەردە، سونداي- اق وزەن- كولدەردە، سۋ استىندا دا وتكىزىلەدى. مۇنداي وقۋ- جاتتىعۋلاردا اسكەريلەردىڭ ءار قادامى الدىن الا جوسپارلانىپ جاسالادى. ول ءۇشىن ارنايى باسقارۋ پۋنكتى بار. سول جەردە قارۋلى قاقتىعىس وتەتىن جەردىڭ ەرەكشەلىگى، كۇشتىك قۇرىلىمداردىڭ ورنالاسۋ رەتى، ارتيللەريالىق قارۋ قولدانۋ نىساندارى بەكىتىلەدى. ءدال وسى جەردە اقپاراتتىق قامتاماسىز ەتۋ ورتالىعى دا جۇمىس ىستەيدى.
تالعات حاسەن ۇلى، دەسانتتىق- شابۋىلداۋشى اسكەرلەر قولباسشىلىعىنىڭ ءبولىم باسشىسى:
- اقپاراتپەن قامتاماسىز ەتۋ ورتالىعى. بۇل جەردە ءبىزدىڭ وفيتسەرلەر مىندەتى وسى وقۋ- جاتتىعۋدى اقپاراتپەن قامتاماسىز ەتۋ. اسكەري قىزمەتكەرلەردىڭ مورالدىق- پسيحولوگيالىق دەڭگەيىن ۇستاپ تۇرۋ. ەڭ باستىسى، جاۋىنگەرلىك تاپسىرمانىڭ ورىندالۋىن قامتاماسىز ەتۋ ءبىزدىڭ باسقارمانىڭ ەڭ باستى مىندەتى بولىپ سانالادى.
ۇجىمدىق قاۋىپسىزدىك كەلىسىمشارتى ۇيىمىنا مۇشە ەلدەردىڭ بىرلەسكەن وقۋ- جاتتىعۋى ءبىر ايعا سوزىلادى. ودان كەيىن قىرعىزستان مەن تاجىكستاندا جالعاسادى. وتارداعى جاتتىعۋلارعا جالپى سانى 3 مىڭنان اسا سارباز قاتىسۋدا.
www.24.kz
