ەلوردادا ۇرىنى توقتاتپاق بولعان پوليتسيا وق اتتى

None
None
استانا. قازاقپارات - ەلوردادا پوليتسيا قىزمەتكەرى «Range Rover» كولىگىن توناماق بولعان ۇرىنى قىلمىس ۇستىندە ۇستادى. بۇل تۋرالى بۇگىن بريفينگ بارىسىندا ق ر ءى ءى م رەسمي وكىلى الماس سادۋبايەۆ ايتتى، دەپ حابارلايدى قازاقپارات ءتىلشىسى.

«استانادا «قازمەديا ورتالىعىنا» كىرەتىن اۋماقتا عيماراتتى كۇزەتۋ قىزمەتىن اتقارىپ جۇرگەن پوليتسيا قىزمەتكەرى «Range Rover»  ماركالى اۆتوموبيلدى توناماق بولعان ۇرىنى ۇستادى. قىزمەتكەر كولىك سالونىنا زاڭسىز كىرۋگە تىرىسقان قاسكۇنەمدى بايقاپ قالعان. پوليتسيانىڭ توقتا دەگەن تالابىن ەلەمەگەن ول قاشىپ كەتۋگە تىرىسقان. وسىدان كەيىن پوليتسيا اۋەگە ەسكەرتۋ وعىن اتىپ، قىلمىسكەردى قولعا ءتۇسىردى»، - دەدى ول.

رەسمي وكىلدىڭ دەرەگىنشە، بۇعان دەيىن دە سوتتى بولعان اقمولا وبلىسىنىڭ تۇرعىنى ءدال سول كۇنى سارايشىق كوشەسى بويىندا تۇرعان اۆتوموبيلدىڭ تەرەزەسىن شاعىپ، شەتەلدىك ازاماتقا تيەسىلى كولىكتىڭ سالونىنان ونىڭ جەكە زاتتارىن ۇرلاپ كەتكەن.

«سوتقا دەيىنگى تەرگەۋ امالدارى جۇرگىزىلىپ جاتىر»، - دەدى الماس سادۋبايەۆ.

اۆتور: مارلان جيەمباي

سوڭعى جاڭالىقتار