تىك ىشەكتى تازالاۋ

 استانا. قازاقپارات - تىك ىشەكتى تازالاۋ پروتسەدۋرالارىن پروكتيت، پاراپروكتيت، كوتەۋ(تىك ىشەكتىڭ قابىنۋى) ، اتالىق جانە انالىق جىنىس اعزالارىنىڭ قابىنۋى، تۇيمەشىك، ىسىك، قۋىق ءتۇبى بەزىنىڭ ۇلعايۋى (ادەنوما) ، تالشىق تىلىندەگى وسپەلەر (فيبروما) ، ميوما (بۇلشىقەت ىسىگى) ، ەروزيا، مەرەز، تەرەڭ جارا سياقتى اۋرۋلار كەزىندە مىندەتتى تۇردە جۇرگىزۋ قاجەت.

 نازارلارىڭىزعا تىك ىشەكتى تازالاۋدىڭ 5 كۇندىك باعدارلاماسىن ۇسىنامىز. ءبىرىنشى كۇن شاعىن كليزما جساۋدىڭ الدىندا توق ىشەكتى تابيعي جولمەن بوساتىپ الۋعا تىرىسىڭىز. ولاي بولماعان جاعدايدا كەلەسى پروتسەدۋرانى جاساماستان 1 ساعات بۇرىن 2 ليتر سۋمەن كليزما جاساڭىز. نەگىزگى قادام: كەشكى ساعات 19:30 بەن 20:00 ارالىعىندا قايناتپا دايىنداپ قويىڭىز. ول ءۇشىن 1 شاي قاسىق سۇيەلشوپكە (چيستوتەل) 200 م ل سۋ قۇيىپ، 2 مينۋتتاي قايناتاسىز دا، 20 مينۋت بۇقتىرىپ قوياسىز. ساعات 21:00 شاماسىندا قايناتىندىنى سۇزگىدەن وتكىزىپ، 36°س جىلىلىقتا كليزما تۇرىندە ىشكە جىبەرىڭىز. ىڭعايلى قالىپتا جاتىپ، سۇيەلشوپ قايناتپاسىن تىك ىشەكتە ۇزاعىراق ۇستاۋعا تىرىسىڭىز. تەك كەشكى مەزگىلدە عانا ەمەس، باسقا دا وزىڭىزگە ىڭعايلى ۋاقىتتا جاساساڭىز بولادى، قايناتۋ ۋاقىتى مەن قولدانۋ ارالىعىنداعى ۋاقىت مەرزىمىن ساقتاساڭىز بولعانى.

ەكىنشى كۇن كەشكى ساعات 8 دە بولمە تەمپەراتۋراسىنداعى 200 م ل قايناعان سۋمەن شاعىن كليزما جاساپ، ىشەكتەرىڭىزدى بوساتىڭىز. 1 ساعاتتان سوڭ شىرعاناق، ءزايتۇن نەمەسە كۇنباعىس مايىمەن تاعى دا كليزما جاساڭىز. ارينە، مايدى الدىن الا زارارسىزداندىرىپ الاسىز. مايدى زارارسىزداندىرۋ ءۇشىن قايناعان سۋمەن وڭدەلگەن تازا بانكىگە مايدى قۇياسىز دا، سۋىق سۋ قۇيىلعان كاسترولگە قوياسىز. سودان سوڭ كاسترولدەگى سۋدى 40 مينۋت قايناتاسىز. مايدى سۋدان الىپ، سۋىتىڭىز. ماي زارارسىزداندىرىلدى. ال كليزما جاسايتىن المۇرت ءتارىزدى رەزەڭكەنىڭ ءىشى- سىرتىن الدىن الا قايناعان سۋمەن جۋۋ كەرەك نەمەسە ونى دا سۋعا سالىپ 3-5 مينۋت قايناتىپ العان دۇرىس.

 ءۇشىنشى كۇن كەشكى ساعات 7 دە ءبىر ءتىس سارىمساقتى ۇساقتاپ تۋراپ، ۇستىنەن 200 م ل قايناپ تۇقرعان سۋ قۇياسىز. سۋ 36°س شاماسىندا سۋىعان سوڭ سۇزگى نەمەسە داكە ارقىلى ءسۇزۋ قاجەت. 20:00 دە سارىمساق تۇنباسىمەن كليزما جاسالادى.

ءتورتىنشى كۇن بۇل كۇنى ەكىنشى كۇندە جاسالعان كليزمانى قايتالايسىز. بەسىنشى كۇن كەشكى ساعات 9 كەزىندە تاۋ بالزامى ەرىتىندىسىمەن شاعىن كليزما جاسالادى. ول ءۇشىن سىرىڭكەنىڭ باسىنداي عانا تاۋ بالزامىن 200 م ل جىلى سۋعا ەرىتەدى. ەرىتىندىنىڭ ءتۇسى تاۋ بالزمىنىڭ ءوزىنىڭ تۇسىنەن ازداپ اشىقتاۋ بولۋعا ءتيىس. تىك ىشەكتى ءتۇرلى ەمدىك شوپتەردىڭ قايناتپاسىن ءىشۋ ارقىلى تازالاۋعا دا بولادى. مىسالى، مىنا ەمدىك شوپتەردىڭ جيىنتىعىنان، ياعني 30 گ ر تۇيەجاپىراق (لوپۋح) تامىرى، 10 گ ر قالاقاي (كراپيۆا) ، 30 گ ر جالبىز، 30 گ ر ايۋبادام، 30 گ ر بەدەدەن (كليەۆەر) قايناتپا ازىرلەك كەرەك. الدىمەن تۇيەجاپىراق تامىرىن 1 ليتر سۋدا قايناتادى دا، از ۋاقىتتان سوڭ قالاقايدى دا سالىپ، تاعى دا 8 مينۋتتاي قايناتۋ قاجەت. دايىن بولعان قايناتىندىنى وتتان الىپ، وعان جالبىز، بەدە، ايۋبادامدى سالىپ قويادى دا، سۋىعان سوڭ سۇزگىدەن وتكىزىپ، توڭازىتقىشتا ساقتايدى. ەمدىك قايناتپانى جارتى ستاقاننان اس ىشەردەن جارتى ساعات بۇرىن قابىلدايدى. ول تەك تىك ىشەكتى تازارتىپ قانا قويمايدى، سونىمەن قاتار ىشەك جۇمىسىنىڭ جاقسارۋىنا دا ىقپال ەتەدى، قان قۇرامىن، باۋىر مەن بۇيرىكتى دە تازارتادى. ىشەكتەردى، سونىڭ ىشىندە تىك ىشەكتى ءجيى- ءجيى تازالاپ وتىرسا، ونىڭ اعزاداعى ۋلى زاتتار مەن قالدىقتاردى شىعارۋعا ۇلكەن سەپتىگى تيەر ەدى. بۇل اعزا مۇشەلەرىنىڭ ساپاسىن ارتتىرىپ، تەرى رەڭىن جاقسارتىپ، كوپتەگەن اۋرۋلاردىڭ الدىن الادى. دەگەنمەن، ءوز بەتىڭىزشە تىك ىشەكتى تازالاماس بۇرىن دارىگەر كەڭەسى الۋدى ۇمىتپاڭىز.

Massaget.kz