پرەزيدەنت شىمكەنت اكىمىنە بايانداما جاساۋعا رۇقسات بەرمەدى

None
None
 شىمكەنت. قازاقپارات - ق ر پرەزيدەنتى نۇرسۇلتان نازاربايەۆتىڭ توراعالىعىمەن شىمكەنت قالاسىنىڭ الەۋمەتتىك- ەكونوميكالىق دامۋ ماسەلەلەرىنە ارنالعان كەڭەس باستالدى، دەپ حابارلايدى قازاقپارات ءتىلشىسى.

«مەن كەشە تاجىكستاننان كەلە سالا، قالانى ارالاپ، بۇگىن تاڭەرتەننەن بەرى جاسالىپ جاتقان جۇمىستاردىڭ بارلىعىن قاراپ شىقتىم. سوندىقتان، اكىمگە بايانداما جاساۋدىڭ قاجەتى جوق. مەن نە كەرەك ەكەنىن ءوزىم ايتىپ بەرەمىن» ، - دەدى ن. نازاربايەۆ.

 مەملەكەت باسشىنىڭ ايتۋىنشا، شىمكەنت قالاسى استانا مەن الماتى سياقتى ءوزىنىڭ دامۋ مودەلىن وزگەرتىپ، جاڭا مىندەتتەردى ىسكە اسىرۋى قاجەت. وسىعان بايلانىستى بولاشاق شىمكەنتتىڭ ستراتەگياسىن ازىرلەۋ كەرەك.

«دۇنيەجۇزىندەگى ەلدەردىڭ باسەكەگە قابىلەتتىلىگى ءىرى قالالاردا بولادى دەگەن ۇلكەن باعدارلاما بار. عالىمداردىڭ پىكىرىنشە، كەلەشەكتە بۇكىل دۇنيەدە دامۋ قارقىنى الەمنىڭ 600 قالاسى اراسىندا بولادى. سەبەبى، ادام بالاسى وركەندەپ، وسكەن سايىن وزىنە جايلى ءارى ىڭعايلى جەر ىزدەپ، قاۋىپسىز جەردە تۇرعىسى كەلەدى. بالالارىن وقىتاتىن، مەكتەپكە بارا الاتىن، ەمدەلەتىن جەر ىزدەيدى. ونداي جەر - قالا. بىلگىشتەردىڭ سوزىنە قاراعاندا، ۇلكەن قالالاردا اۋقاتتى ادامداردىڭ توڭىرەگىندە باسقا ادامدار تۇرادى، ءسويتىپ، شەڭبەرمەن كەتە بەرەدى. ال ءبىز ءۇشىن ۇلكەن قالالار قازاقستاننىڭ وركەندەۋى ءۇشىن قاجەت. عىلىم دا، ءبارى دە سوندا بولادى» ، - دەپ اتاپ كورسەتتى ن. نازاربايەۆ.

 پرەزيدەنت شىمكەنتتى دامىتۋدىڭ ناقتى باعىتتارىن دا بەلگىلەپ بەردى. بىرىنشىدەن، اتالعان قالا ورتالىق ازيادا قۋاتتى ەكونوميكالىق ورتالىققا، قوناقتار ءۇشىن جايلى ءارى تارتىمدى مەگوپيليسكە اينالۋى ءتيىس.

 «سالىستىرمالى تۇردە ايتاتىن بولساق، ىرگەلەس جاتقان تاشكەنت قالاسىندا حالىقتىڭ سانى ەكى جارىم ەسە كوپ بولعانىنا قاراماستان، ول جاقتا ءبىر ادامعا شاققانداعى ءونىم كولەمى بىزدەن تومەن. تاشكەنتتە  3500 دوللار بولسا، شىمكەنتتە -  5100 ا ق ش دوللارى. كوردىڭىزدەر مە؟ ەكى ەسەگە كوپ. سوندىقتان قالانى ءىرى ونەركاسىپتىك، يننوۆاتسيالىق، ساۋدا- لوگيستيكالىق ورتالىق رەتىندە دامىتۋدىڭ ستراتەگياسىن ازىرلەۋىمىز كەرەك. بۇل باعىتتا ينجەنەرلىك- كولىكتىك ينفراقۇرىلىمدى دامىتقان ءجون. سوندىقتان مەن ۇكىمەتكە دە، اكىمشىلىككە دە شىمكەنت قالاسىنىڭ قۇرىلىسى بويىنشا 2023 -جىلعا دەيىنگى كەشەندى جوسپار قابىلداۋدى تاپسىرامىن» ، - دەدى ن. نازاربايەۆ.

 ەكىنشىدەن، شىمكەنتتە بولاشاعى بار ەكونوميكالىق سالالاردى دامىتۋ قاجەت. سونىڭ ىشىندە ازىق- تۇلىك، توقىما، قۇرىلىس ماتەريالدارى، فارماتسيەۆتيكا جانە تاعى باسقا كلاستەرلەر بار. ۇشىنشىدەن، جاس مامانداردى دايارلاۋ جۇمىسىنا باسا نازار اۋدارعان ءجون. سەبەبى، شىمكەنت تۇرعىندارىنىڭ 42 پروتسەنتى - جاستار.

 وسىعان وراي، جەرگىلىكتى وقۋ ورىندارىنىڭ مارتەبەسىن ارتتىرىپ، شەتەلدىك ۋنيۆەرسيتتەرمەن ارىپتەستىك بايلانىستارىن كۇشەيتۋ كەرەك. ال جەرگىلىكتى مەكتەپتەر زياتكەرلىك مەكتەپتەردىڭ تاجىريبەسىن كەڭىنەن قولدانۋى ءتيىس. اسىرەسە، اعىلشىن تىلىندەگى باعدارلامالاردى كوبەيتكەن ءجون.

 «سوسىن شىمكەنتتەگى ۋنيۆەرسيتەتتەر حالىقارالىق دەڭگەيگە كوتەرىلىپ، ورتالىق ازيا مەن وڭتۇستىك ازيا ەلدەرىنىڭ ابيتۋريەنتتەرى كەلىپ، وسى جەردە وقۋعا ىنتالى بولۋى قاجەت. مەن سىزدەرمەن كوپ جىلدان بەرى جۇمىس ىستەپ كەلە جاتقان اداممىن عوي. شىمكەنتتەگى ۋنيۆەرسيتەتتەردىڭ جاعدايى ءارتۇرلى، تالاي رەت سىنعا ءتۇستى، تالاي رەت نەشە ءتۇرلى كەمشىلىكتەر بولدى. سوندىقتان قازىر باسقاشا قاراۋ قاجەت. ۋنيۆەرسيتەت رەكتورلارىنا دا، پروفەسسورلارعا دا كوزقاراستى وزگەرتۋ كەرەك. شىمكەنت قازىرگى زامانعى يننوۆاتسيالىق ورتالىعىن قۇرۋعا كىرىسكەن ءجون» ، - دەپ اتاپ كورسەتتى ن. نازاربايەۆ.

سوڭعى جاڭالىقتار