جانىبەك ءالىمحان ۇلى كاسىپقوي بوكستا ءۇشىنشى رەت جەڭىسكە جەتتى

 استانا. قازاقپارات - قازاقستاندىق بوكسشى جانىبەك ءالىمحان ۇلى (2-0, 1 ك و) كاسىپقوي بوكس رينگىندەگى ءوزىنىڭ ءۇشىنشى جەكپە- جەگىن جەڭىسپەن اياقتادى، دەپ حابارلايدى قازاقپارات ءتىلشىسى.

ول كەشە ا ق ش- تىڭ كاليفورنيا شتاتىنداعى وكلەند قالاسىندا كولۋمبيالىق كارلوس گالۆانمەن (16-7-1, 15 ك و) كەزدەستى. جەكپە- جەك تورەشىلەردىڭ شەشىمىمەن جانىبەك ءالىمحان ۇلىنىڭ جەڭىسىمەن اياقتالدى. ولاردىڭ بارلىعى ءبىراۋىزدان 60:54 ۇپاي بەردى. وسىلايشا ەندى ول كاسىپقوي بوكستا ءۇش رەت جەڭىمپاز اتانعان بوكسشىلاردىڭ قاتارىنا ەندى. ال گالۆان ءوز مانسابىندا سەگىزىنشى رەت جەڭىلىپ وتىر.

 ايتا كەتۋ كەرەك، جانىبەكتىڭ كەلەسى كەزدەسۋى جوسپارلانىپ قويعان - ول 3 - قاراشا كۇنى ا ق ش- تىڭ تەحاس شتاتىنداعى ەل- پاسو قالاسىندا امەريكالىق ۆون الەكساندەرمەن (12-1, 8 ك و) ايقاسادى. بۇل بوكسشى ءوزىنىڭ قىلمىستىق ومىربايانىمەن تانىمال. ۆون الەكساندەر قارۋ كەزەنىپ، كىسى توناعانى ءۇشىن 11 جىل بويى تۇرمەدە وتىرىپ شىققان.