ەلباسى شىمكەنتتەگى مۇناي وڭدەۋ زاۋىتىنىڭ جۇمىسىمەن تانىستى

None
None
 شىمكەنت. قازاقپارات - پرەزيدەنت نۇرسۇلتان نازاربايەۆتىڭ شىمكەنتكە ساپارى مۇناي وڭدەۋ زاۋىتىنىڭ جۇمىسىمەن تانىسۋدان باستالدى.

بۇگىن زاۋىتتا RFCC كەشەنى ىسكە قوسىلدى. بۇل زاۋىت اينالىمىن ۇلعايتىپ، ك-4 جانە ك-5 كلاستى ساپالى بەنزين مەن ديزەل وندىرۋگە مۇمكىندىك بەرەدى، دەپ حابارلايدى قازاقپارات ءتىلشىسى.

«پ ك و پ» ج ش س جوباسىنىڭ قۋاتى - جىلىنا 6 ميلليون توننا مۇناي وڭدەۋگە جەتەدى. ينۆەستيتسيا كولەمى - 580 ميلليارد تەڭگەنى قۇرايدى. ايتا كەتەيىك، 2011 -جىلى زاۋىتقا جاڭا يندۋستريالاندىرۋ باعدارلاماسى اياسىندا جاڭعىرتۋ جۇمىستارى جۇرگىزىلگەن بولاتىن. مۇناي وڭدەۋ زاۋىتىنداعى جاڭعىرتۋ جانە قايتا قۇرۋ جوباسى ەكى كەزەڭدە جۇزەگە استى. ءبىرىنشى كەزەڭدە كومپانيا كەدەن وداعىندا قابىلدانعان، ك4 جانە ك5 ەكولوگيالىق كلاسىنىڭ (ەۋرو-4 جانە ەۋرو-5 بالاماسى) بەنزين جانە ديزەل وتىنىنىڭ ءوندىرىسىن قۇردى.

وسىنىڭ ارقاسىندا زاۋىتتان جوعارى ساپالى ءونىم شىعارىلا باستادى. جىلىنا 2 ميلليون توننا شيكىزات وندىرەتىن RFCC كاتاليتيكالىق كرەكينگ قوندىرعىسىن ورناتۋ جوسپارلانىپ، UOP امەريكاندىق كومپانيا تەحنولوگياسىمەن جاسالدى. تىكەلەي ايدالاتىن مازۋتتى قابىلداعانعا دەيىن ەنەرگيا رەسۋرستارىن - وتىن گازى، ەلەكتر ەنەرگياسى، سالقىنداتقىش سۋدى، ءبوپ اۋاسىن، ازوت جانە سۋ بۋىندارىن تۇراقتى قابىلداۋ قامتاماسىز ەتىلگەن.

 سونداي- اق، ەنەرگەتيكالىق جابدىقتار، دالا اسپاپتارى، تەحنولوگيالىق پروتسەستى باسقارۋدىڭ جانە اپاتقا قارسى قورعانۋدىڭ بولىنگەن جۇيەسى، مازۋت سيركۋلياتسياسى قوسىلعان.

Елбасы Шымкенттегі мұнай өңдеу зауытының жұмысымен танысты

Елбасы Шымкенттегі мұнай өңдеу зауытының жұмысымен танысты

سوڭعى جاڭالىقتار