شۆەيتساريا تۇرعىنى قوقىستى دۇرىس تاستاماعانى ءۇشىن تۇرمەگە قامالادى
20 minutes باسىلىمىنىڭ دەرەگىنشە، 2017 -جىلى كوممۋنالدى قىزمەت قوقىستى اكەتپەيتىن كۇنى ول ونى كوشەگە شىعارىپ تاستاعان، ونىڭ ۇستىنە رۇقسات ەتىلگەن پاكەتكە سالعان.
قالاداعى قوقىستىڭ دۇرىس تاستالۋىن قاداعالايتىن كوممۋنالدى قىزمەتتىڭ ءبىر جۇمىسشىسى ونى ءبىلىپ قويعان. بەكىتىلگەن ءتارتىپتى بۇزعان ەر ادامعا 150 شفەيتساريالىق فرانك كولەمىندە ايىپپۇل سالىنعان، بۇل شامامەن 150 دوللار. الايدا ول ۋاقىتىندا تولەنبەگەن. بۇعان دەيىن وعان قۇمار ويىندار تۋرالى زاڭدى بۇزعانى ءۇشىن 6,5 مىڭ فرانك كولەمىندە ايىپپۇل سالىنعان. بۇل سوما دا تولەنبەگەن.
جاعدايدى باعالاي كەلە پروكۋراتۋرا جازدا وعان 92 كۇنگە تۇرمەگە وتىرىپ شىعۋدى ۇسىنعان، دەگەنىمەن ودان ەش جاۋاپ الا الماعان. باسىلىم قۇقىق بۇزۋشىنىڭ ەندى ناقتى تۇرمەگە وتىراتىنىن جازۋدا. باستى ماسەلە ۇكىمەت ونىڭ قازىرگى تۇرعىلىقتى جەرىن بىلمەي وتىر.
2017 -جىلى بيل قالاسىندا قوقىستى دۇرىس تاستاماعانى ءۇشىن 209 ايىپپۇل سالۋ وقيعاسى تىركەلگەن جانە 600 ادامعا ەسكەرتۋ جاسالعان. ايىپپۇلداردىڭ باسىم كوپشىلىگى ورماندى جەرگە كولىك دوڭگەلەكتەرى مەن جيھازدى تاستاۋعا بايلانىستى سالىنعان.
Baq.kz
