مەملەكەت باسشىسى ارمەنيا پرەمەر- ءمينيسترى نيكول پاشينيانمەن كەزدەستى

None
None
 دۋشانبە. قازاقپارات - مەملەكەت باسشىسى ارمەنيا رەسپۋبليكاسىنىڭ پرەمەر- ءمينيسترى نيكول پاشينيانمەن كەزدەستى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

كەزدەسۋدە تاراپتار ەكى جاقتى ىقپالداستىق جانە ساۋدا- ەكونوميكالىق قاتىناستاردى ودان ءارى دامىتۋ ماسەلەلەرىن تالقىلادى.

نۇرسۇلتان نازاربايەۆ قازاقستان مەن ارمەنيا اراسىنداعى ىنتىماقتاستىقتىڭ جوعارى دەڭگەيدە ىلگەرىلەپ كەلە جاتقانىنا توقتالىپ، ونى كەڭەيتۋدىڭ الەۋەتى جەتكىلىكتى ەكەنىن اتاپ ءوتتى.

- قازاقستان ارمەنيامەن ءاردايىم جاقسى قارىم- قاتىناستا بولدى. ەلدەرىمىز اراسىنداعى ساۋدا اينالىمى بىلتىر 60 پايىزعا جۋىق ءوستى. بۇل ءۇردىس قازىر دە جالعاسىن تاۋىپ وتىر. مۇنىمەن شەكتەلمەيتىنىمىزدى اتاپ وتكىم كەلەدى. ۇكىمەتتەرىمىز ەكى جاقتى بايلانىستاردى نىعايتۋ ءۇشىن كۇش جۇمىلدىرۋى كەرەك. ءبىزدىڭ كومپانيالارىمىز ەكى ەلدىڭ دە ەكونوميكاسىنا ينۆەستيتسيا قۇيا الادى، - دەدى قازاقستان پرەزيدەنتى.

مەملەكەت باسشىسى ەڭبەك ميگراتسياسى ماسەلەلەرىنە جانە ەكى ەل كاسىپكەرلەرى اراسىنداعى بايلانىستاردى كەڭەيتۋ قاجەتتىگىنە توقتالىپ، ول ءۇشىن ءتيىمدى جاعداي جاسالعانىن اتاپ ءوتتى.

ن. پاشينيان نۇرسۇلتان نازاربايەۆقا كەزدەسۋگە جانە مەملەكەتارالىق بايلانىستاردى ودان ءارى نىعايتۋ ىسىندەگى ماڭىزدى ماسەلەلەردى تالقىلاۋعا مۇمكىندىك تۋعىزعانى ءۇشىن ريزاشىلىق ءبىلدىردى.

Мемлекет басшысы Армения премьер-министрі Никол Пашинянмен кездесті

- ءوزارا ىقپالداستىعىمىز وڭ قارقىن الىپ وتىرعانىمەن ەرەكشەلەنەدى. ونىڭ ودان ءارى وسىلاي ىلگەرىلەي بەرەتىنىنە سەنىمدىمىن. ءبىز ءۇشىن قازاقستانمەن اراداعى بايلانىس وتە ماڭىزدى. ەكونوميكا سەكتورىنداعى قاتىناستاردى، سونىڭ ىشىندە ينۆەستيتسيالىق ىنتىماقتاستىقتى دامىتا تۇسەمىز دەپ ۇمىتتەنەمىز، - دەدى ارمەنيا پرەمەر- ءمينيسترى.

سونىمەن قاتار، ن. پاشينيان قازاقستان مەن ارمەنيا اراسىنداعى ىنتىماقتاستىقتى حالىقارالىق ۇيىمدار اياسىندا نىعايتۋدىڭ ماڭىزدى ەكەنىن اتاپ ءوتتى.

سوڭعى جاڭالىقتار