قازاقستان مەن قىتاي شەكاراسىندا «نۇر جولى» وتكىزۋ پۋنكتى اشىلدى

None
None
 استانا. قازاقپارات - مەملەكەتتىك- جەكە ارىپتەستىك نەگىزىندە سالىنعان بۇل نىساننىڭ قۇرىلىسىنا 70 ميلليارد تەڭگە كولەمىندە قارجى بولىنگەن.

بۇرىنعى ۇلى جىبەك جولىنىڭ بويىمەن جۇك تاسىمالدايتىن كولىكتەر اعىنىن ارتتىرۋعا ارنالعان وسى وتكەلدىڭ پايدالانۋعا بەرىلۋى ارقىلى ەكى ەل اراسىنداعى الىس- بەرىس دامىپ، ساۋدا اينالىمى ارتا تۇسەتىن بولادى.

«قورعاس» شەكارا ماڭى ىنتىماقتاستىعى حالىقارالىق ورتالىعىنىڭ ىرگەسىنەن بوي كوتەرگەن «نۇر جولى» وتكىزۋ پۋنكتىنىڭ پايدالانۋعا بەرىلۋى ەكى ەل اراسىنداعى الىس- بەرىس پەن بارىس- كەلىستى بارىنشا ارتتىرا تۇسەرى ءسوزسىز. باتىس ەۋروپا -  باتىس قىتاي حالىقارالىق دالىزىندە ورنالاسقان بۇل وتكەلدىڭ كۇنىنە 2500 اۆتوكولىك وتكىزە الاتىن الەۋەتى بار. سونىڭ 2300- ءى جۇك كولىكتەرى بولسا، قالعانى جولاۋشى تاسىمالدايتىن اۆتوبۋستار مەن جەڭىل كولىكتەر بولادى دەپ كۇتىلۋدە.

بولاشاقتا بۇل كورسەتكىشتىڭ ەكى ەسەگە دەيىن ارتا ءتۇسۋى مۇمكىن. جۇك كولىكتەرى بۇرىنعىداي كەزەك كۇتىپ، كەپتەلىپ تۇرمايدى. ويتكەنى مۇندا ولاردىڭ ءوز جولى بار. ال جولاۋشى تاسىمالداۋشىلار بولەك جولمەن جۇرەدى. سوندىقتان شەكارادان ءوتۋ ۋاقىتى 20-30 مينۋتقا عانا سوزىلۋى مۇمكىن. بۇل ءوز كەزەگىندە كولىك اعىنى مەن ەلىمىزدىڭ ترانزيتتىك الەۋەتىن ارتتىرۋعا تىڭ سەرپىن بەرەدى. ۋلترازاماناۋي كولىك- لوگيستيكا ورتالىعىنىڭ اۋماعى 25 گەكتار جەردى الىپ جاتىر. وندا كەدەندىك راسىمدەۋ ورتالىعى مەن 200 جۇك كولىگىنە ارنالعان اۆتوتۇراق جانە بىرنەشە جۇك ساقتاۋ قويماسى ورنالاسادى.

 بۇگىن سالتاناتتى تۇردە اشىلعان «نۇر جولى» وتكىزۋ پۋنكتى ت م د- داعى ەڭ ۇلكەن نىسانداردىڭ ءبىرى بولىپ وتىر. ال تەحنيكالىق جاراقتاندىرىلۋى مەن كولىك وتكىزۋ جىلدامدىعى جانە باقىلاۋ جۇيەسى جاعىنان الەمدە ونىڭ ەش بالاماسى جوق. سوندىقتان جاڭا زاماناۋي كولىك- لوگيستيكا ورتالىعىنىڭ بولاشاعى وتە زور. «ءبىز ءوز كەزەگىمىزدە ونىڭ جۇمىسىن جانداندىرىپ، الەۋەتىن ارتتىرۋعا بارىنشا كۇش سالاتىن بولامىز»، -  دەيدى ماماندار.

 اۆتورى: ارداق ايبار ۇلى

www.24.kz

سوڭعى جاڭالىقتار