دۋشانبەدە ت م د مەملەكەت باسشىلارى كەڭەسىنىڭ سامميتى باستالدى

None
None
دۋشانبە. قازاقپارات - تاجىكستان استاناسى دۋشانبە قالاسىندا ت م د مەملەكەت باسشىلارى كەڭەسىنىڭ كەزەكتى سامميتى باستالدى. شاراعا ق ر پرەزيدەنتى نۇرسۇلتان نازاربايەۆ قاتىسۋدا، دەپ حابارلايدى قازاقپارات ءتىلشىسى.

تاجىكستان باسشىسى ەمومالي راحمون سامميتكە كەلگەن قوناقتاردى «كوحي سومون» رەزيدەنتسياسى الدىندا قارسى الدى. وسىدان كەيىن قازاقستان پرەزيدەنتى نۇرسۇلتان نازاربايەۆ، رەسەي فەدەراتسياسىنىڭ باسشىسى ۆلاديمير پۋتين، وزبەكستان باسشىسى شاۆكات ميرزيەيەۆ، قىرعىستان پرەزيدەنتى سوورونبوي جەەنبەكوۆ، بەلارۋس باسشىسى الەكساندر لۋكاشەنكو، ازەربايجان باسشىسى يلحام اليەۆ، مولدوۆا پرەزيدەنتى يگور دودون، ارمەنيانىڭ پرەمەر-ءمينيسترى نيكول پاشينيان جانە تۇرىكمەنستان پرەمەر-ءمينيسترىنىڭ ورىنباسارى پۋرلي اگامۋرادوۆ زالعا ءوتىپ، شاعىن قۇرامداعى وتىرىس وتكىزدى. كەيىن ت م د مەملەكەت باسشىلارى كەڭەسىنىڭ سامميتى باستالدى.

Ð

«تاجىكستاننىڭ ءتوراعالىعى كەزىندە ءبىراز جۇمىستار اتقارىلدى. بىرلەسكەن جۇمىستىڭ ناتيجەسىندە جاڭا قۇجاتتار ازىرلەندى. بۇدان بولەك، ت م د اياسىنداعى ىنتىماقتاستىقتىڭ بارلىق سالالارىن قامتيتىن شەشىمدەر قابىلداندى.

ايتا كەتكەن ءجون، ءبىزدىڭ ءتوراعالىعىمىز كەزىندە سالالىق كەڭەستەردىڭ قىرىققا جۋىق وتىرىستارى ۇيىمداستىرىلدى. ءبىز ەكسترەميزمگە جانە تەرروريزمگە قارسى كۇرەس، ەسىرتكىنىڭ زاڭسىز اينالىمى، ەكونوميكالىق قىلمىستار، زاڭسىز كوشى-قون، ادام ساۋداسى سياقتى باعىتتارعا باسىمدىق بەردىك.

Ð

اسىرەسە، ەكونوميكا سالاسىنداعى بىرلەسكەن جۇمىسىمىز جەمىستى بولدى. ت م د اياسىندا مادەني-گۋمانيتارلىق بايلانىستاردى كۇشەيتۋ ماسەلەسى دە نازاردان تىس قالمادى»، - دەدى ە. راحمون ءسامميتتىڭ اشىلۋىندا.

بۇدان ءارى وتىرىس جابىق ۇلگىدە جالعاستى.

جوسپارعا سايكەس، بۇگىنگى سامميتتىڭ قورىتىندىسى بويىنشا 15 قۇجاتقا قول قويىلادى دەپ كۇتىلۋدە. سونىڭ ىشىندە ەكى حالىقارالىق كەلىسىم بار. بۇدان بولەك، ت م د مەملەكەت باسشىلارى كەڭەسىنىڭ شەشىمدەرىنە قاتىستى 13 قۇجات راسىمدەلمەك.

Ð

اتاپ ايتقاندا، تۇرىكمەنستاننىڭ كەلەسى جىلداعى ءتوراعالىعى، ۇلى جەڭىستىڭ 75 جىلدىعىنا دايىندىق شارالارى، 2021-جىلى تاجىكستاندا «دوستاستىقتىڭ مادەني استانالارى» اتتى مەملەكەتارالىق باعدارلامانى ىسكە اسىرۋ، 2019-2023-جىلدار ارالىعىندا قىلمىسپەن كۇرەس شارالارىن بىرلەسىپ جۇرگىزۋدىڭ مەملەكەتارالىق باعدارلاماسى، ت م د- عا مۇشە مەملەكەتتەردىڭ تەرروريزمگە قارسى ورتالىعى تۋرالى ەرەجەنى تولىقتىرۋ، كەڭەستىڭ كەيبىر شەشىمدەرىن توقتاتۋ، ت م د- عا مۇشە مەملەكەت باسشىلارىنىڭ دۇنيەجۇزىلىك كوشپەندىلەر ويىندارى تۋرالى مالىمدەمەسى، جازۋشى شىڭعىس ايتماتوۆتىڭ 90 جىلدىعىنا ارنالعان بىرلەسكەن مالىمدەمە جانە تاعى باسقا قۇجاتتار بار.

ايتا كەتەيىك، ق ر پرەزيدەنتى نۇرسۇلتان نازاربايەۆ دۋشانبەگە كەشە كەلگەن بولاتىن. مەملەكەت باسشىسى اۋەجايدان بىردەن «كوحي سامون» رەزيدەنتسياسىنا بارىپ، تاجىكستان پرەزيدەنتى ەمومالي راحمونمەن كەزدەستى.

«قازاقپارات» اگەنتىگى ت م د- نىڭ باستى ورگانى - پرەزيدەنتتەر كەڭەسىنىڭ كەزەكتى وتىرىسى الدىندا بۇعان دەيىنگى جيىندارعا شولۋ جاساپ، قابىلدانعان شەشىمدەردى پىسىقتاپ شىققان بولاتىن. ال اقوردانىڭ باسپا ءسوز قىزمەتى تاريحي ماڭىزى بار فوتوسۋرەتتەردى ۇسىندى.

سوڭعى جاڭالىقتار