21:14, 28 - قىركۇيەك 2018 | GMT +6
قازاق جازۋشىسى اعىلشىن كورولىنىڭ اسىل تاستارىنا قالاي يە بولعان؟
استانا. قازاقپارات - جازۋشى ايان قۇدايقۇلوۆا اعىلشىن كورولدەرىنەن العان باعالى تاستارى مەن قۇنى بىرنەشە ميلليون تۇراتىن قىمبات توندارىن العاش رەت ەلگە كورسەتتى.
NUR. KZ پورتالىنىڭ Oybay Life باعدارلاماسىن ۇيىنە قوناق ەتكەن جازۋشى، ءوزىنىڭ استا-توك ءومىرى تۋرالى اشىق اڭگىمەلەپ بەردى.
بۇگىندە ەلىمىزدە بولىپ جاتقان ءتۇرلى قاتىناستاردى زەرتتەپ، سول بويىنشا كىتاپ جازۋمەن اينالىساتىن ايان قۇدايقۇلوۆا - ەليتالى ورتانىڭ بەلدى وكىلى.
ول - باي-باعلاندارمەن قويان-قولتىق ارالاسىپ، الەمنىڭ تۇكپىر-تۇكپىرىندەگى اقسۇيەكتەرمەن ەتەنە بايلانىس ورناتقان جانداردىڭ ءبىرى.
ماسەلەن، ونىڭ ايتۋىنشا، كۇيەۋىنە اعىلشىن بايلارى كورولدەردىڭ مەنشىگىندە بولعان ايرىقشا اسىل تاستاردى سىيعا تارتىپتى. اياننىڭ سوزىنە سەنسەك، مۇنداي تاستار ارنايى تەڭىزدىڭ تۇبىنەن الىنعان جانە ونداي قىمبات اشەكەيلەر ەشكىمدە جوق.
