كۇش سالىستىرامىز دەپ كۇرەسكەن ازامات دوسىن ابايسىزدا ءولتىرىپ الدى

None
None
استانا. قازاقپارات - رەسەيدەگى سارانسك قالاسىنىڭ تۇرعىنى تانىسىمەن كۇش سالىستىرامىن دەپ، ونى ابايسىزدا تۇنشىقتىرىپ ولتىرگەن.

ەندى ازامات ءبىر جىلىن تۇزەۋ مەكەمەسىندە وتكىزەدى دەپ حابارلايدى ر ي ا نوۆوستيگە سىلتەمە جاساعان NUR. KZ.

تەرگەۋ كوميتەتى ۇسىنعان مالىمەتتەرگە سايكەس، 2017-جىلدىڭ 13- تامىزىندا سارانسك تۇرعىنى ءوزىنىڭ تانىسىنا كۇرەسىپ، كۇش سىناسايىق دەگەن ۇسىنىس ايتادى. جەكپە-جەك كەزىندە ازامات فيزيكالىق كۇشىنىڭ مىقتىلىعىن كورسەتپەك بولىپ، «گيلتوين» ءادىسىن قولدانعان. ول 2,5 مينۋت بويى قارسىلاسىن تۇنشىقتىرىپ تۇرادى.

ناتيجەسىندە جابىرلەنۋشىنىڭ ۇيقى تامىرىن قاتتى باسىپ قالىپ، ول مەحانيكالىق اسفيكسياعا تۇسەدى. ايىپتالۋشى تانىسىن بوساتقان ساتتە ول ەس-ءتۇزسىز جەرگە قۇلاي كەتىپتى.

جەكپە-جەكتى ولاردىڭ دوسى ۆيدەوعا ءتۇسىرىپ تۇرعان.

ەندى ازامات ابايسىزدا كىسى ولىمىنە سەبەپكەر بولعانى ءۇشىن ايىپتالىپ، سوت شەشىمىمەن ءبىر جىلعا باس بوستاندىعىنان ايىرىلدى. سونداي-اق جابىرلەنۋشىنىڭ وتباسىنا 1 ميلليون رۋبل وتەماقى تولەيتىن بولدى.

سوڭعى جاڭالىقتار