پوليتسيا كولىكتى قانداي جاعدايدا توقتاتا الادى؟
سەناتتىڭ جالپى وتىرىسىندا دەپۋتات ۆلاديمير ۆولكوۆ پوليتسەيلەر جەدەل ىزدەستىرۋ شارالارىن جەلەۋ ەتىپ، كولىكتەردى توقتاتاتىنىن، الايدا قانداي شارالار ءجۇرىپ جاتقانىن تۇسىندىرمەيتىنىن جانە ءتيىستى بۇيرىق كورسەتىلمەيتىنىن ءسوز ەتتى.
«زاڭعا سايكەس، جول-پاترۋلدىك پوليتسيا قىزمەتكەرلەرىنە كولىكتەردى سەبەپسىز توقتاتۋعا تىيىم سالىنعان. اتاپ ايتقاندا، جەدەل پروفيلاكتيكالىق شارالار كەزىندە عانا توقتاتادى جانە ءبىز ول جايىندا ب ا ق- تا الدىن الا حابارلايمىز. سونىمەن قاتار، تۇرمەدەن قاشقانداردى ىزدەستىرۋ بويىنشا شارالار جۇرگىزىلگەندە تەكسەرىلەدى. باسقا جاعدايلاردا ءبىزدىڭ قىزمەتكەرلەر كولىكتەردى توقتاتۋعا قۇقىلى ەمەس. سوندىقتان، پوليتسەيلەر تەك جول ەرەجەسى بۇزىلعان جاعدايدا عانا زاڭدى ءىس-قيمىلدار جاساي الادى»، - دەدى ءمينيستردىڭ ورىنباسارى.
ونىڭ سوزىنە قاراعاندا، قىزمەتتىك وكىلەتتىگىن تەرىس پايدالانۋ فاكتىلەرى ورىن العان كەزدە، ۆەدومستۆو جاريا ەمەس شارالاردى وتكىزەدى. وسى ورايدا مينيسترلىك وكىلدەرى قىزمەتتىك ەمەس كولىكتەرمەن بەكەتتەردى ارالاپ، جۇمىس رەجىمىن تەكسەرەدى.
«وتە قاتاڭ شارالاردى قابىلداپ جاتىرمىز. كومانديرلەردى دە، وزگە دە قىزمەتكەرلەردى لاۋازىمىنان بوساتۋدامىز. الداعى ۋاقىتتا دا وسى قادامداردى قاتاڭ ۇستانامىز»، - دەدى ەرلان تۇرعىمبايەۆ.
بۇدان بولەك، ول جەدەل پروفيلاكتيكالىق شارالار تۇتاس ەل اۋماعىندا جۇرگىزىلمەيتىنىن ەسكە سالدى.
«شىنىمەن دە، ءبىز سوت ورىنداۋشىلارىمەن بىرگە ايپپۇلداردى وتەۋ بويىنشا رەيدتىك شارالاردى ۇيىمداستىرامىز. ءبىراق ول جەدەل پروفيلاكتيكالىق شارالار تۋرالى ب ا ق- تا حابارلايمىز جانە وسى ءىس-قيمىلدار وڭىرلەردە شەكتەۋلى تۇردە وتكىزىلەدى. ياعني تۇتاس رەسپۋبليكادا جۇرگىزىلمەيدى»، - دەپ ءتۇيدى ءمينيستردىڭ ورىنباسارى.
