وڭىرلىك ماسس- مەديا ساپاسىن ارتتىراتىن باستامالاردى قولداۋعا ءازىرمىز - داۋرەن ابايەۆ

None
None
 استانا. قازاقپارات - بۇگىن ق ر اقپارات جانە كوممۋنيكاتسيالار ءمينيسترى داۋرەن ابايەۆ Astana  Media Weeк  اياسىندا وڭىرلىك ب ا ق فورۋمىن اشتى، دەپ حابارلايدى قازاقپارات ءتىلشىسى.

«بيىل ءۇشىنشى جىل وڭىرلىك ماسس- مەديا وكىلدەرىنىڭ باسىن قوسىپ وتىرعان فورۋم  Astana Media Weeк اياسىندا ءوتىپ جاتقانى بارشاڭىزعا بەلگىلى. جۋرناليستەر ءۇشىن، باسپا ءسوز قىزمەتى مەن اقپارات سالاسىنىڭ باسقا دا ماماندارى ءۇشىن كوپتەگەن سەمينار- ترەنينگتەر ءوتتى. مەملەكەتتىك مۇددەنى حالىققا جەتكىزىپ، قوعامداعى وزگەرىستەرگە ساي كوزقاراس قالىپتاستىرۋدا ايماقتىق مەديانىڭ ماڭىزى زور. وسى ورايدا قازىرگى كۇنى وڭىرلىك اقپارات قۇرالدارىنىڭ الدىندا ۇلكەن ماقسات- مىندەتتەر تۇر. ول - مەملەكەت باسشىسىنىڭ تاپسىرماسىمەن جۇزەگە اسىرىلىپ جاتقان ساياسي، ەكونوميكالىق جانە رۋحاني جاڭعىرۋ جونىندەگى كەشەندى رەفورمالارعا جۇرتشىلىقتى جۇمىلدىرۋ» ، - دەپ اتاپ ءوتتى مينيستر.

وسى رەتتە ول ماڭىزدى شارا ءداستۇرلى ايماقتىق باق فورۋمىندا جالعاسىن تاۋىپ وتىرعانىن باسا ايتتى.

«ءبىر اۋىلدا مىڭ تۋىسىڭ بولعانشا، ءار اۋىلدا ءبىر تۋىسىڭ بولسىن» دەگەن ادەمى ءسوز بار. فورۋمداعى نەگىزگى ماقساتتاردىڭ ءبىرى - سىزدەر ءبىر- بىرلەرىڭىزدى تانىپ، ءبىلىپ، پىكىر الماسسىن دەگەن نيەت. وسىلايشا ەلىمىزدىڭ مەديا سالاسىن ءارتاراپتان ەمەس، ورتاق مۇددە اياسىندا دامىتسا دەيمىز» ، - دەدى داۋرەن ابايەۆ.

ونىڭ سوزىنە قاراعاندا، وتكەن جىلى العاشقى فورۋمدا ايماقتىق اقپارات قۇرالدارى تاراپىنان ءبىرقاتار ماسەلەلەر كوتەرىلگەن. سول ۋاقىتتان بەرى اقپارات جانە كوممۋنيكاتسيالار مينيسترلىگى ۇسىنىستاردى زەردەلەپ، ايماقتىق مەديا ساپاسىن ارتتىرۋ بويىنشا ءبىرقاتار شارالاردى ىسكە قوستى.

«اتاپ ايتقاندا، اقپارات جانە كوممۋنيكاتسيالار مينيسترلىگى قازىرگى ەفيرلىق- سيفرلىق اقپارات، تەلەراديوحابارلاردى تاراتۋدى ۇيىمداستىرۋ جۇمىستارىن جۇرگىزىپ جاتىر. ايماقتىق فورۋمنىڭ كوزدەگەن تاعى ءبىر ماقساتى - ەل تۇرعىندارىنىڭ مەديا ساۋاتتىلىعىن ارتتىرۋ، مەديا مادەنيەتىن قالىپتاستىرۋ. جالپى، ايماقتىق جۋرناليستەر تاراپىنان وسىنداي ماسەلەلەر كوتەرىلىپ، ونىڭ بەلگىلى ءبىر دەڭگەيدە شەشىمىن تابۋى فورۋمنىڭ پايدالى تۇسىن اڭعارتادى. الداعى ۋاقىتتا ايماقتىق فورۋم ءوزارا پىكىر مەن تاجىريبە الماسۋدىڭ تۇراقتى الاڭىنا اينالادى دەپ سەنەمىن. اقپارات جانە كوممۋنيكاتسيالار مينيسترلىگى وڭىرلىك ماسس- مەديانىڭ ساپاسىن ارتتىراتىن كەز كەلگەن باستامانى قولداۋعا ءازىر» ، - دەدى داۋرەن ابايەۆ.

سوڭعى جاڭالىقتار