ب. تىلەۋحان ورالمان مارتەبەسىنىڭ ۋاقىتى وتكەن قانداستارعا جەڭىلدىك سۇراعان حاتتى مينيسترگە جولدادى
حاتتا ق ر «حالىقتىڭ كوشى - قون تۋرالى» زاڭىنىڭ 21 - باپ 2 - تارماعىنا سايكەس ورالمان كۋالىگىنىڭ ۋاقىتى ءوتىپ كەتكەنىنە 6 ايدان اسقان 10 مىڭداعان وتباسىنىڭ ق ر ازاماتتىعىنا قۇجاتتارىن وتكىزە الماي جۇرگەنىن ايتا كەلىپ، «بۇل تاجىريبە بىزدە بۇرىن دا بولعان. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى وتىنىشىنە سايكەس قازاقستان رەسپۋبليكاسىنىڭ باس پروكۋراتۋراسى 27.07.2016 -جىلعى № 22-6-17/49 37 حاتىمەن بەرىلگەن كەلىسىمىنە بايلانىستى 4 مىڭعا جۋىق قانداسىمىزدىڭ تاعدىرى وڭ شەشىمىن تاپقان بولاتىن. بىزدىڭشە وسى تاجىريبەنى تاعى ءبىر مارتە قولدانساق، 10 مىڭداعان قانداستارىمىزدىڭ تاعدىرى وڭ شەشىمىن تابار ەدى» دەپ ماسەلەنىڭ شەشۋ جولىن ۇسىنعان.
وسى حاتتى العان ءماجىلىس دەپۋتاتى بەكبولات تىلەۋحان ق ر ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆاعا جولداپ، «سىزدەن وسى ءوتىنىشتى قاراستىرىپ، ناتيجەسىن ماعان جانە ارىز يەسىنە قازاقستان رەسپۋبليكاسىنىڭ زاڭناماسىندا كورسەتىلگەن مەرزىمدە جولداۋىڭىزدى سۇرايمىن» دەپتى.
